Обиљежавање прве годишњице

Митот за Тоше

Денес (16.10.2008) изминува една година од смртта на Тоше Проески, личноста чија ѕвезда станува се‘ посјајна. Дали и како може да се објасни феноменот Тоше?

Поради комплексната концентрација на енергиите и значењата, митот за Тоше Проески е еден од најважните митови на современото македонско општество, пишува колумнистот Никола Гелевски, одбележувајќи ја годишнината од смртта на најголемата македонска музичка ѕвезда. Денеска изминува точно една година од кобната сообраќајна несреќа во која загина Проески. Во изминатите 365 дена, ѕвездата не згасна, туку стана уште посјајна. Феноменот Тоше Проески продолжува да постои на балканските простори.

Тагата е и натаму голема

Балканот, а особено Македонија и натаму тагува по големото, а сепак обично момче од Крушево, со неповторлив глас и вонсериски музики талент. Тоше стана мит бидејќи не беше само пејач. Беше признат хуманист, докажан обединител.



Тоше и Влатко Стефановски


Наоружан единствено со песната, тој успеа да ги премости разликите меѓу народите и културите на зовриениот европски југ. Освојуваше со насмевката, убавиот збор, безграничната љубов за сите.

Харизмата не се објаснува

Социолозите и јавните личности кои ги анкетираше Дојче Веле ги објаснуваат квалитетите на Тоше. Влатко Стафановски од легендарната македонска група „Леб и Сол“ тоа го нарекува шарм: „Тоа е многу тешко да го објасните, тоа е шарм, тоа не се објаснува. Некои луѓе ја имаат таа енергија и тој шарм и таа харизма, а некои ја немаат. Тие што ја имаат повеќе, стануваат супер ѕвезди.“

Социологот Илија Ацевски вели дека кризните општества имаат потреба од харизматични личности, кои зрачат позитивна енергија: „Постои сознание дека харизмите од тој тип зрачат позитивна енергија, особено во ситуации кога општеството се судира со тешки кризи, на секој план. Македонското општество е во перманентна криза во последните 20-тина години. “

Тоше обезбеди виза за вечноста



Тоше секогаш сакаше да се смее


Во меѓувреме, иако го нема физички, неговата музичка кариера продолжува. Крушево стана многу попопуларно и попосетено, се одржуваат спортски турнири и музички концерти во чест на Тоше, со нетрпение се очекуваат новите песни од албумот на англиски јазик. Моќта на овој феномен му обезбедува виза за вечноста. На луѓето ќе им останат убавите песни и спомени за Тоше. Многумина долго ќе се сеќаваат и гласно ќе зборуваат за доблестите на македонската музичка икона, но малкумина ќе успеат да ги претворат во сопствени навики. Затоа ретко се раѓаат ѕвезди кои со уникатноста успеваат да се издигнат над просечноста.


http://www.idividi.com.mk/tose/475962/index.html

ВО КРУШЕВО ОДБЕЛЕЖАНА ГОДИШНИНАТА ОД СМРТТА НА ТОШЕ

Семејството, пријателите, почитувачите, како и фановите од Македонија и Балканот денеска во Крушево одбележа една година од трагичната смрт на македонската музичка икона Тоше Проески.

Музичката легенда загина во сообраќајна несреќа на 16 октомври минатата година кај Нова Градишка - Хрватска на пат кон Загреб.

Од изутрината тага и непребол на секој чекор во Крушево. Во црквата „Света Богородица“ се одржа света литургија за покој на неговата душа, од каде присутните се упатија кон вечниот дом на Тоше на Гумење.

Редици луѓе од земјава и регионот трпеливо и во молк чекаа да му оддадат почит и да покажат колку го сакаат, неизмерно, исто како што тој ги сакаше сите.

Беседа по светата утринска литургија во црквата „Света Богородица“ одржа владиката Петар.

- Тоше во својот живот направи дела со кои сите не задолжи да говориме за тоа. Тој уште повеќе ги обединува луѓето не само од Македонија, туку и од Балканот и пошироко. Остави длабоки пораки. Тоше им пристапуваше и на млади и на стари со чиста љубов за да им покаже дека ги сака. Денеска се слушаат надалеку неговите зборови „Ве сакам“, а ехото возвраќа дека и ние него го сакаме, рече митрополитот Петар.

Почитувачи на неговиот лик и дело денеска во Крушево имаше од секаде. Присутни, меѓу останатите беа и учениците од средното училиште „Таки Даскало“ од Битола кои носеа бели маички со натпис „Тоше те сакаме“.

- Дојдовме да му оддадеме почит на Тоше. Тој останува во нашите срца. Песните ќе ги пееме вечно. Ова е знак дека многу го сакаме и почитуваме, истакна ученичката Ивана Атанасовска.

На гробот на македонската икона почит оддаде и хрватскиот амбасадор во Македонија Иво Кујунџиќ.

- Чувствувам морална обврска и должност да се поклонам на гробот на Тоше Проески. Тој беше врвен уметник кој ние во Хрватска иако знаевме дека е Македонец, не го доживувавме како странец, туку како врвен уметник, со огромна популарност. Цела Хрватска и денеска чувствува тага, рече амбасадорот Кујунџиќ.

На вечниот дом на Тоше се поклони и владина делегација предводена од министерот за образование Перо Стојановски и министерот за информатичко општество Иво Ивановски.

Ламбе Алабаковски, Весна Петрушевска, Антонија Шола, Мартин Вучиќ се само дел од музичките имиња и негови колеги кои денеска дојдоа на неговиот гроб.

- Болни се сеќавањата. Не можам да поверувам дека помина една година од тој трагичен настан. Со тешко срце зборувам. Тоше го сакав и го чувствував многу близок, изјави Вучиќ кој се подготвува за концертот во Босна и Херцеговина што ќе се одржи на 22 октомври во чест на музичката легенда.

Градоначалничката на Крушево Лефкија Гаџоска рече дека една година без Тоше е многу тежок период. Таа истакна дека општината работи за зачувување на ликот и делото, како и на меморијалните објекти.

- Тоше не сакаше сите, а сега во нашите срца по него има голема празнина. Ние за него ќе продолжиме да правиме барем дел од тоа што тој правеше за сите нас. Можеби на изглед не се добива таков впечаток, но трајните работи треба да бидат добро осмислени и поставени на цврсти темели. Годината помина околу усогласувањето со урбанистичките генерални и детални планови за изградбата на спомен куќата и меморијалниот комплекс на неговото вечно почивалиште. Ја поддржавме граѓанската иницијатива работите побрзо да се одвиваат, но правните регулативе мора да се запазат, додаде Гаџоска.

Надлежните во Крушево велат дека камен-темелникот на спомен куќата за Тоше, доколку дозволат временските услови, ќе биде поставен на неговиот роденден - 25 јануари.

- Тоше е ангел, Тоше е нешто свето. Од земјава и странство постојано пристигнуваат телеграми и пораки со сочувство. Безброј се барањата и предлозите на обожавателите на Тоше во поглед на продолжување на неговиот хуман пат, вели Илија Ивановски, претседател на Собранието на Меѓународната фондација „Тоше Проески“, формирана за зачувување на ликот, делото и продолжување на хуманоста на Тоше.

Семејството Проески на сите што дојдоа на Гумење им обезбеди ручек. Повеќето гости од гробот на Тоше заминаа на манастирот „Свето Преображение“, кој е пред крајот на своето обновување и наскоро близу до Светиот храм треба да се изгради крст висок 33 ипол метри, со што ќе се исполни уште една желба на големиот човек, миленикот на сите генерации, македонскиот непребол по кој и по една година солзите и болката сеуште не стивнуваат.







http://sitel.com.mk/?ItemID=AD3E3B94528A424F8DB1FFB1309C3103

ВО СПОМЕН-СОБАТА НА МАЈКА ТЕРЕЗА ЧЕСТВУВАЊЕ ЗА ТОШЕ

Во организација на Граѓанската асоцијација „Скопјанката Мајка Тереза“ денеска во спомен-собата на големата хуманистка се одржа чествување во спомен на Тоше на годишнината од неговото загинување.

Во спомен на неговата хуманост, Асоцијацијата го промовираше аудио цедето со репортажи, во кое за Тоше говорат стотина музички ѕвезди и авторитети од земјава и од светот.

- Денеска е многу тажен ден за сите нас. Во организацијата „Скопјанката Мајка Тереза“ членска книшка имаше и Тоше Проески и тука поминуваше дел од своето време. Судбината сакаше последната награда од нашата организација во знак на хуманост да му ја дадеме токму на него, рече Стојан Тренчевски, претседател на асоцијацијата.

Тој истакна дека во нашите животи Тоше треба да биде водилка, како што Мајка Тереза беше во хуманоста.

Спомен-собата ќе биде отворена за сите заинтересирани посетители до 17 часот.


http://sitel.com.mk/?ItemID=8C706A67BD20FC46AA974F608977D035

ЈАПОНЕЦ ГО ИЗВАЈА ЛИКОТ НА МЕГАSВЕЗДАТА
Тоше од мермер
Јапонскиот вајар Риота Кошка, пријател на Тоше, за годишнината од неговата смрт на семејството Проески му подари мермерен релјеф со ликот на поп-sвездата. Вајарот Кошка пред неколку години учествувал на Прилепското уметничко лето каде што се з



Јапонскиот вајар Риота Кошка, пријател на Тоше, за годишнината од неговата смрт на семејството Проески му подари мермерен релјеф со ликот на поп-sвездата. Вајарот Кошка пред неколку години учествувал на Прилепското уметничко лето каде што се запознал со Тоше и за кусо време се спријателиле. Кошка релјефот со ликот на Тоше го испратил во Прилепскиот центар за ликовна уметност со пораката:
"Трагичната вест длабоко ме потресе и ме растажи. Бидејќи се навршува една година од неговата смрт, релјефот е споменик за него. Се обидов во мермерот да го преточам неговиот благороден лик. Тоше беше музичка sвезда и големо сонце за Македонија".
Диме Јанески од Центарот за современа уметност во Прилеп вели дека вајарот бил длабоко потресен кога ја дознал веста за смртта на Тоше и уште тогаш најавил дека во Јапонија ќе изработи релјеф за спомен на Тоше. Релјефот на семејството Проески му го предаде уметникот Јанески.




http://vest.com.mk/default.asp?id=158374&i...rika=Makedonija

Време, број 1496, 16.10.2008







Една година по заминувањето на ѕвездата народот плете легенди за него
Големата тајна на Тоше
Валентина Ѓоргиевска

Кога неодамна, на петти октомври, околу 50.000 млади луѓе се собраа на „Градски стадион“ под транспарентите „Те сакаме сите Тоше“, веќе се доби јасен доказ дека трите магични зборови „Ве сакам сите“, кои како своевиден аманет и порака ги остави музичката легенда, се вгнездиле во срцата на младите. И точно една година по трагичното загинување на Тоше Проески, Балканот се уште живее со впечатокот дека тој е жив и дека за него никогаш нема да се зборува во минато време.
Името на овој пејач се уште не се симнува ниту од насловните страници на списанијата, ниту од топ-листите на многу радија и ТВ-станици. Добрите вибрации што зад себе ги остави волшебното момче не го напуштија ова тло, ниту за момент. Само што, наместо кон сцената, очите и срцата на обожавателите беа вперени кон крушевско Гумење, нивната честа дестинација, каде на неговиот вечен дом безнадежно го бараат она делче љубов кое недостига откако него физички го нема.
Чествувањето на името на Тоше Проески секојдневно беше привилегија за армијата негови обожаватели, кои некогаш ги уживаа неговите прегратки, бакнежи, топли зборови, но и за неговите најблиски, за оние кои го имаа за роднина, за соработник, за пријател, како и за оние кои не го сретнале. Спомнувањето на Тоше е вест на денот, не само на домашните медиуми, туку и на светските, како на пример лондонски „Гардијан“, кој напиша: „…од вечно завојуваниот Балкан конечно пристигна и една убава вест…“, а таа вест, секако, беше олицетворена во духот на овој таканаречен принц, гласник на љубовта, ангел-чувар, човекот-хуманист, а по титула и амбасадор на добрата волја на УНИЦЕФ.
Веќе никој не се сомнева дека негов вечен духовен дом е крушевскиот манастир „Свето Преображение“, во чија доизградба, освен донациите од иселениците, спонзорите, фирмите и од Владата, која го асфалтираше патот до таму, пари собираат и неговите обожаватели кои го посетуваат овој, сега веќе осветен храм.
Кобниот 16 октомври 2007 година го внесе Тоше во вечноста, но во онаа во која се влегува преку портата низ која поминуваат само одбраните. Животот на Тоше Проески беше како комета – блесна, се вивна кон небото и остана таму да осветлува!


Тајната на Тоше - вечна тајна

Крушевчани ја пренесуваат информацијата дека неколку недели пред своето заминување Тоше на еден поп од соседството му открил голема тајна за себе, а тој, пак, се заветил во Бога дека никогаш нема да ја оддаде дури ни на неговите родители. Поповите од крушевските цркви, како и семејството на ѕвездата, при секое одбележување и при помените се придружуваат строго до православните обичаи и канони.


Никнаа и безброј профитери

Загубата на Тоше на Балканот беше доживеана како колективна трагедија. Освен големата почит која ја доби, многумина се обидоа и да профитираат. Освен официјалните изданија, се продаваа илегални компилации. Во Белград беше објавена книга „Балканскиот ангел Тоше Проески“, а со згрозување беше прифатена веста кога во Босна и Херцеговина се појави
албум со самолепливи сликички, вклучувајќи ги и морбидните фотографии од сообраќајката и од погребот.


Литургија за Тоше


Според сите верски правила, денеска во седум часот ќе се огласат камбаните на црквата „Света Богородица“, позната и како Горна црква, сместена непосредно над куќата на Тоше, каде ќе се одржи литургија и опело. По посетата на неговиот вечен дом, семејството ќе дава ручек за најблиските и за пријателите. На чинот е најавено и присуство на владиката Петар.
Жителите на овој град се повеќе го покренуваат прашањето кога Македонската православна црква ќе го одгатне феноменот и духовната димензија на Тоше и дали нивниот сограѓанин ќе биде прогласен за светец од денешницата.

Поздрав до следната средба!

Илјадници средношколци од Скопје, како и од средното музичко училиште „Илија Николовски Луј“, вчера масовно се движеа кон Гумење. Со забрзан од, со подарок в раце, цвеќе и со по некоја солза, сите итаа да се поклонат на гробот на својот идол. А таму, се е исто, бликаат позитивна енергија и оптимистички пораки, како оваа: „Поздрав до следната средба, до следното наше видување“. Почивалиштето сега е обележано со крст од бели цветови, два гулаби со наведнати глави, едно легнато и распеано ангелче со буба-мара на ногата, еден рачно изработен грчки народен инструмент - бузуки со грчко знаме и со едно големо мече од Младинскиот црвен крст од Крива Паланка. А неколку метри подалеку се слушаат и лелеци за неговиот неодамна починат другар и врсник Николче.
По Гумење сите поминуваат и покрај куќата каде живееше легендата. Вчера Крушево го посетија и маестро Зоран Џорлев, но и менаџерот Велибор Џаровски- Џаро со пријателите.

Фондацијата работи со засилено темпо

Стотици имејл-пораки и факсови со најразлични предлози за тоа како да биде зачувано и продолжено делото на Тоше секојдневно стигнуваат до Фондацијата „Тоше Проески“. Андреј Николовски не информира дека моментно се собираат сумите од неодамнешниот концерт, кои ќе бидат доделени во хумани цели.
Фондацијата, заедно со атлетскиот сојуз и маратонското друштво „Делта“, е организатор на ултрамаратонот кој почна утринава во 6.20 часот во Нова Градишка, од каде 26 маратонци трчаат во чест на Тоше и в недела ќе пристигнат во Крушево.
Во канцеларијата е сместена уметничката изработка од организацијата „Вешта жена“ од Тетово, голема книга на која пишува: „Јас не сум од ФИРОМ, јас сум од Македонија и ве сакам сите -Тоше“, како и големо платно на кое е сместен плакат од распеаниот Тоше.

Креветчето пренесено во „Свето Преображение“

Детското креветче на кое спиел Тоше, заедно со неговиот своерачно направен потпис на горната дрвена рамка, како и црвеното перниче извезено од извесна скопјанка, се мета на секој посетител на манастирот. Тоа е сместено во собата во конакот каде што преспивал Тоше. Перничето е осветувано во повеќе цркви и манастири и е ставено за да шири позитивна енергија и за исполнување желби на оној што ќе ја стави главата врз него. Во конаците се работи неуморно, ставени се нови прозорци и врати, донација од почитувач на пејачот. До каменот кој Тоше го бакнувал пред влегување е издлабена длабнатина за поставување крст.
Во манастирот верниците се молат пред голема фотографија од Тоше. На самиот влез во вреќа се поставени мечињата од гробот, од каде децата може да си одберат по некое и да си понесат за себе.
Иконостасот и фрескописот ќе се прават в година, а осветувањето ќе се случи кога се ќе биде завршено. Голема фреска од свето Преображение и од света Богородица ќе биде насликана над олтарот, а на Исус Христос на сводот.


Благодарност на Тоше за подарената љубов


Билборд со ликот на Тоше Проески во понеделникот беше поставен во Белград, во близина на автобуската станица. Освен ликот на Тоше, на плакатот се наоѓаат испишани и зборови на благодарност за се што тој го овозможил во текот на неговиот прерано завршен живот. Во пораката стои: „Ти благодариме за сета љубов, песните, насмевките што му ги подари на овој свет... Живееш со нас и во нас засекогаш... Те сакаме...“
На крајот, наместо годината на неговата смрт, стои зборот ВЕЧНОСТ.


Ѕвездена слава

Од „Мелфест 1997“, каде победи изведувајќи ја песната „Ѕестердаѕ“ од „Битлси”, до кобниот ден, Тоше издаде шест поп-албуми: „Некаде во ноќта“, „Синот божји“, „Ако ме погледнеш во очи“, „Ден за нас“, „По тебе“и „Игри без граници“, се појави и диск со народни преработки, „Божилак“ и неколку компилации, кои низ цел Балкан беа продадени во огромни тиражи. За жал, по смртта, неговото семејство од продажбата не доби процент од изведувачките права. Тоше не дочека лично да си го промовира англискиот албум, кој на светскиот пазар ќе се појави на 25 јануари 2009 година, на денот кога требаше да го прослави својот 28 роденден.
Во 2004 година тој ја претставуваше Македонија на „Евровизија“. Одржа безброј концерти низ цел Балкан, претежно хуманитарни, рекордни трипати го наполни скопскиот „Градски стадион“ и еднаш белградска „Арена“. Четвртиот, неодамнешен концерт на „Градски“, го наполни без да присуствува. По тој настан во негова чест, еден негов обожавател забележа:
- Денеска разбрав дека постои еден човек кој е над сите, човек кој го оствари мојот сон, човек кој го обедини мојот народ, човек кој ја обедини Македонија!
Летово на многу радиостаници често можеше да се чуе долгоочекуваната англиска песна „Тхе хардест тхинг“, промовирана во Опатија на 12. издание на Хрватскиот радиски фестивал. На концертот „Те сакаме сите Тоше“ публиката имаше чест да ја чуе и песната „Мѕ литтле оне“, снимена со неговиот внук од сестра, Кристијан.

Истрагата талка по лавиринтите на вештаците


Скопското јавно обвинителство се уште не поднело обвинителен акт против Ѓорѓи Ѓорѓевски, возачот на џипот „фолксваген туарег“ во кој животот го загуби македонската поп-икона Тоше Проески. Стерјо Зиков, скопскиот јавен обвинител, за „Време“ и вчера потврди дека уште нема обвинение против Ѓорѓи Ѓорѓевски и дека предметот уште се разгледува. Обвинителот уверува дека во јавноста ќе биде објавено ако Обвинителството реши да поднесе обвинение против Ѓорѓевски, кое најпрвин ќе биде доставено до Основниот суд Скопје 1.
Денеска се навршува една година од прераната смрт на македонскиот поп-пејач Тоше Проески, кој животот го загуби во сообраќајната несреќа што се случи минатата година, на автопатот кон Загреб, кај местото Нова Градишка. Но и по една година, ниту една од надлежните институции не се изјаснила јавно за причините за несреќата и се уште се вртат непотврдени информации за трагичната смрт на најпопуларниот македонски поп-пејач.
По истрагата во Хрватска, власта & го предаде случајот на Македонија и остави тука да се одлучи дали ќе се покрене обвинение против возачот. „Време“ веќе објави дека македонските вештаци во експертизата тврдат дека непосредно пред несреќата, пред да удри во камионот, Ѓорѓи Ѓорѓевски го возел „туарегот“ со брзина од 140 до 150 километри на час. Нивното тврдење се разликува од пресметките на нивните хрватски колеги, кои велат дека џипот се движел со брзина поголема од 170 километри на час. Македонските вештаци, пак, утврдиле, идентично како Хрватите, дека Ѓорѓевски не држел прописно растојание и дека доцна почнал да го претекнува камионот.
Професорите од скопскиот Машински и од битолскиот Сообраќајно-технички факултет, сметаат дека возачот морал да ја намали брзината пред да почне со престигнувањето. За камионот во кој удри „туарегот“, познато е само дека превезувал стока за италијанска фирма, а го возел белграѓанецот Славиша Кузмановиќ. Тој, иако со задоцнување од неколку месеци, сепак даде исказ кај скопскиот истражен судија Велчо Панчевски, но истрагата не открива што изјавил Кузмановиќ. И денес се шпекулира за можноста несреќата да е намерно предизвикана, но тоа ќе остане тајна, се додека Скопското јавно обвинителство не одлучи да се изјасни. И.М.


Секому свој


Срцето на Тоше чукаше за неговото родно Крушево и за Македонија. Неговите балкански заслуги, како блескав орден, ги понесе цела Македонија. Тој, иако е заштитен знак на нашата земја, сите го сметаат за свој, зошто и тој сите ги сметаше за свои. Беше крајно аполитичен и еднакво ги почитуваше сите. Тој е единствениот пејач еднакво обожаван од дипломати, државници и од политичари, затоа што, како што кажа и претседателот Бранко Црвенковски, на Тоше му појде од рака она што досега не му успеа ниту еден политичар - да ги обедини луѓето во Македонија и пошироко. За заштита на неговото дело и на ликот се грижат Министерството за култура и Меѓународната фондација „Тоше Проески“.


ЦЕЛА МАКЕДОНИЈА ПЛАЧЕШЕ ЗА ЅВЕЗДАТА

Веста за смртта одекна како бомба


Со изрази на неверување, со молитви информација да е погрешна, но и со тага во срцето на оние кои веднаш се помирија со горчливата вистина, љубителите на македонската ѕвезда Тоше Проески пред точно една година ја примија веста за смртта на овој денес веќе легендарен музичар.
Информацијата прво одекна на хрватските интернет-страници, имаше гласини дека се случило ова или она, дека загинале сите тројца патници во „туарегот“, дека двајца се мртви, а еден преживеал, но насловите ја содржеа главната информација, дека Проески веќе не е меѓу живите.
И кога луѓето се помирија со тоа дека најпознатото крушевчанче нема веќе да отпее ништо ново, на „Градскиот плоштад“ во Скопје веднаш беше поставена огромно платно со ликот на балканскиот ангел, каде илјадници луѓе, млади и стари, со солзи во очите палеа свеќи и оставаа свежо цвеќе. На плоштадот Македонија беа отворени и книги на жалост во кои со пишан збор секој што сакаше можеше да се прости од својот миленик Тоше. По трагичната вест, наставата во училиштата беше прекината, а Тоше Проески постхумно беше прогласен за заслужен граѓанин на Македонија.

Крушевчани палеа свеќи за својот сограѓанин

А во Крушево, расплакани, тажни, стотици крушевчани тој ден палеа свеќи на Столбот на слободата во чест на нивниот омилен сограѓанин. Советниците во општината прогласија тридневна жалост по големата трагедија.

Прогласен ден на жалост

Владата на Република Македонија го прогласи 17 октомври за ден на жалост. Тој ден седницата почна со едноминутно молчење во чест на мегаѕвездата, по што Собранието ја прекина својата работа.

Распродажба на музичките дискови

По објавувањето на веста за трагичната смрт на поп-ѕвездата Тоше Проески, македонските граѓани буквално ги окупираа специјализираните музички продавници насекаде низ Македонија, за да купат цеде од својот миленик. Најмногу се купуваа примероци од неговиот последен албум „Игри без граници“, но имаше и такви што ги купуваа и постарите изданија.

Комеморација во Загреб

Хрватските почитувачи на музиката на Тоше Проески и пријателите што не допатуваа на погребот во Крушево, кој се случи еден ден по несреќата, се простија од македонскиот пејач во Мултимедијалниот центар во Загреб, во просториите на неговата издавачка куќа за хрватскиот Пазар, „Хит рекордс“, каде што беше организиран директен пренос од неговиот погреб, јавија хрватските медиуми. Сите хрватски музичари, кои за тој ден имаа закажани промоции или концерти, ги откажаа во знак на почит кон трагично загинатиот колега од Македонија


http://vreme.com.mk/DesktopDefault.aspx?ta...rticleID=100440

http://a1.com.mk/vesti/video.asp?Video=08/tose-krusevo-16-10.wmv&VestID=98916


Феноменот Тоше - Македонски Орфеј
Емилија Јовановска Коментари (0)


16.10.2008 14:56
И по една година истата слика, на плоштадот Македонија свеќи и многу солзи


Загуба што не може да се заборави, престанува да биде загуба - Тоше поседуваше убавина, доблест и смисла, а тоа се вредности кои не можеме да го заборавиме, вели за нашата мега ѕвезда професорот Ферид Мухиќ.

Тоше е мега феномен кој успеа да обедини десетици милиони луѓе, нешто што на ниту еден политичар на Балканот не му успеало.

„Тоше покажа дека покрај она од што се живее, постои и она заради што се живее. Направи нешто што е неизбришливо. Имено, не е проблем, не е одгатката во тоа што македонскиот Орфеј, Тоше, замолкна, туку е убавината во тоа што тој еднаш се огласи, што запеа“, вели професорот Ферид Мухиќ.

„Таа песна нема да стивне, таа песна нема никогаш да се загуби и во таа смисла, токму заради својата вонисториска, вонматеријална природа, музиката, која е инаку мудроста без зборови и без поими, всушност го осветли целиот тој живот“, додаде професорот Мухиќ.

И по една година истата слика. Тагата не помина. На плоштадот Македонија свеќи и многу солзи.

„Мислам дека сите го обожаваме. Едноставно ова е непребол, за ангелите нема коментар. Во нашите срца ќе остане засекогаш, а она што го направи ќе биде за сите генерации пример. Празно е уште, како вчера да било, не е баш многу полесно“, рекоа обожавателите на Тоше на плоштадот Македонија.

На ликот на Тоше и денеска сите балкански медиуми му даваат прво место. Пејачот кој влезе во легенди. Година дена од Тоше. Тоа се дел од насловите, но тоа не е случајно.

„Дај боже да го носиме и чуваме во нашите срца и тој нека биде патоводител, како што е Мајка Тереза во хуманоста, тој нека биде во нашиот живот, бидејќи е препознавање и авторитет, не само за Македонија, не само за оваа, туку за сите генерации“, вели Стојан Тренчевски, претседател на Фондација „Мајка Тереза“.

Во повеќе училишта во Скопје денеска немаше часови, учениците беа на плоштад, да запалат свеќи за својот идол.


Ферид Мухиќ: Тоше направи нешто неизбришливо


Тоше навистина го сакаат сите, оти покажа дека луѓето можат да бидат подобри.

„Мислам дека Тоше покажа оти секој од нас може и да промаши, но дека секогаш мора да нишани високо, повисоко од она што го нуди секојдневниот живот“, рече професорот Мухиќ.

Бесмртноста на песната на Тоше го внесува момчето од Крушево во легендите на светската музичка сцена.

Непресушна тага по Тоше



КРУШЕВО - Вчера Крушево беше претесно да ги прими сите пријатели, фанови, сите што го сакаа Тоше, кои дојдоа да ја одбележат првата годишнина од неговата смрт. Трагичното загинување на оваа наша легенда остави трага во неговиот роден град. Сега, една година подоцна, согласни сме и знаеме дека бевме привилегирани што живеевме во времето на Тоше. Гордост и тага беа испомешани вчера во Крушево.

„Чувствуваме голема празнина по Тоше и сега го сакаме уште повеќе“, ни кажаа средношколците од училиштето „Таки Даскалот“ од Битола, кои дојдоа да го посетат гробот на својот идол. „Од него научивме да бидеме уште подобри, похумани и почовечни“.




Неколку илјади луѓе вчера го посетија вечниот дом на Тоше на Гумење каде што запалија свеќи и уште еднаш се збогуваа со него. „Што да се каже во вакви моменти“, ја сретнавме Каролина Гочева на Гумење, која меѓу првите дојде да му оддаде почит на Тоше. „Тажно и празно. Тоше навистина беше еден и единствен“.

Така зборуваа и средношколците кои организирано дојдоа од цела Македонија. Неговите, пак, крушевчани, децата од училиштето „Никола Карев“ вчера имаа скратена настава. „Чест ни е што учиме во истото училиште како и Тоше“, ни рекоа петтоодделенците. „Нашите детства се во знак на Тоше. Ги пееме неговите песни и засекогаш го носиме во срцето“.



Инаку, светата литургија со високи црковни великодостоинственици се одржа во раните утрински часови во црквата „Света Богородица“ и на гробиштата на Гумење. Неутешни беа неговите родители Никола и Доминика. Потоа, според верските обичаи, семејството даваше ручек за душата на Тоше.

„Денес љубовта ми е храна“, полна со тага беше и пријателката на Тоше, Весна Петрушевска. „Со него замина и дел од мене и никогаш нема да ми се смени чувството што сега ми тлее во градите“.

Крушево вчера на 16. ден од октомври навистина беше во знакот на Тоше. Многумина во знакот на хуманоста, во име на љубовта го посетија манастирот „Преображение“ и запалија свеќи. „Чувството дека го нема е неверојатно“, ни спомнаа неговите обожаватели од Суботица. „Тоше е херој на нашата младост и оваа година без него е само доказ за тоа колку го сакаме“.

Кафулето „Планет“, омилено сврталиште на Тоше, беше преполно. Се слушаа неговите песни, а гостите низ солзи ги пееја хитовите „Ден за нас“, „Игри без граници“, „Тајно моја“...

Покрај многубројните поборници на песната на Тоше, Гумење вчера го посетија и луѓето од Владата - министерот за образование Перо Стојановски, Иво Ивановски, министер за информации и технологија, потоа градоначалникот на Прилеп Марјан Ристовски, хрватскиот амбасадор во РМ Иван Кујунџиќ...

Гробот го прекрија со солзи и неговите соработници од бендот, менаџерката Лилјана Петровиќ, Мартин Вучиќ и Антонија Шола, која низ солзи ни кажа дека е многу тажна.

На вчерашниот ден минатата година со 26 лета загина најдобриот машки вокал во историјата на Балканот. Момче чии концерти беа масовно посетувани и кој постави сосема нови стандарди во музиката. Тоше стана симбол на Македонија.

Последните години од животот тој стана најпродаван музичар и беше сигурен дека понатамошната кариера ќе ја насочи кон светот. Смртта навистина го зеде прерано, но љубовта што ја имаме кон него ќе го одржи жив во нашите сеќавања.


www.utrinski.com.mk

http://www.utrinski.com.mk/default.asp?ItemID=A54BB378C8CDEB4EA80B4C42CD0444F0
http://www.utrinski.com.mk/default.asp?ItemID=94E28EF7EFA81C49A521F1FDD1033117
http://www.utrinski.com.mk/default.asp?ItemID=2D0F68B80486134C8CB64008F66E6BCF
http://www.utrinski.com.mk/default.asp?ItemID=B3935CE62015AF44B9A8BEEF6E971699

Maraton u čast Toši Proeskom

Maratonci danas kreću iz Nove Gradiške, a u nedjelju bi trebali stići u pjevačev rodni grad Kruševo...

16.10.2008.



Преузето са http://www.dnevniavaz.ba/

Мемориална он-лайн книга за Тоше Проески !

http://www.respectance.com/ToseProeski/memorial

http://zolta.com.mk/

https://www.youtube.com/watch?v=c516JNBHXVg

Иконостасот за манастирот на Тоше ќе тргне за Крушево во април



Во Кралево од прилепски мермер се обликува иконостасот за црквата што беше животен сон на Проески

Билјана Јовановска

Далеку од очите на јавноста, во четирите ѕида на своето ателје во Кралево, академскиот скулптор Милан Ракочевиќ го оформува иконостасот за манастирот „Св. Преображение“ кај Крушево. Прилепскиот мермер „сивец“ го обработува со многу љубов, знаење, грижа... со строго придржување кон православната традиција.

И со огромна почит кон трагично загинатата македонска легенда Тоше Проески, кому животен сон му беше завршувањето на манастирот „Св. Преображение“ во близина на родното Крушево. Без сомневање, иконостасот ќе биде онаков каков што си го замислувал Тоше во своите мечти. Многу сличен на оној во катедралната црква „Света Софија“ во Охрид, кој многу го бендисал. Нема причини желбата да не се реализира, зашто Ракочевиќ е автор и на охридскиот и на неколку други иконостаси изработени од истиот мермер.

Во почетокот на годинава авторот двапати престојувал во Крушево кај семејството Проески. „Се совпаднаа барањата на родителите на Тоше и моите интенции за изработка на иконостасот. Договорот со нив одеше лесно. Се најдовме како верници - и тие и јас инсистираме на црковното предание“, ни раскажа Ракочевиќ. Жали што лично не го запознал Тоше, но вели дека ја следел неговата кариера.

Првичната желба на Тоше била иконостасот да биде изработен од дрво, но во долгите разговори со татко му Никола, сепак, изборот паднал на прилепскиот мермер. Најблиските раскажуваат дека Никола инсистирал иконостасот да биде во мермер, зашто „...местото е високо, над 1.700 метри, дрвото нека трае стотина години, потоа ќе пропаѓа...“ Тоше го прифатил објаснувањето на таткото и рекол: „Добро, чале, нека биде од мермер. Потрајно е“.



Есенва Ракочевиќ го очекува семејството Проески во Кралево. Да го видат сработеното, да ги кажат евентуалните забелешки. Дотогаш авторот настојува да сработи колку што е можно повеќе. Во ателјето поминува по 10 часа дневно. Во 7 часот наутро прво ќе му се помоли на Бога, па дури потоа се фаќа за работа. В раце ја зема мацолата тешка еден килограм и во „сивецот“ удира по 50 пати во минута. За обичните посетители, правот што се крева е неподнослив. „Работата е напорна, мачна. Мермерот можат да го работат само најупорните, најпосветените. „’Сивецот‘ е исклучително квалитетен, меѓу најдобрите на пазарот и убаво се работи“, ни објаснува Ракочевиќ и шеговито забележува: „Навлечен сум на каменот. Кога воздухот е премногу чист, ми пречи“.

Во текот на месецов планира да ги заврши парапетните плочи, а ги има вкупно шест. На нив ќе бидат поставени столбовите со богата резба работена по угледот на цариградските, светогорските, охридските цркви и манастири. Ретко дозволува денот да му помине без обработка на камените плочи. Всушност, како голем верник, не работи само на верски празници.

Договорот со семејството Проески сака да го испочитува. А тоа подразбира транспортот на иконостасот да биде во април. Тогаш, во манастирот „Св. Преображение“ кај Крушево го очекува најмачниот дел од работата - монтажата. Вели дека секогаш има мали отстапки од проектот и таму, на самото место, ќе ги сече камените делови. Се' мора да биде онака како што налага православната традиција, зашто иконостасот е поврзан со потребите на литургијата. Распоредот е класичен - иконостасот има три отвори - за Царските двери, за Проскомидијата и за Ѓанониконот. Сето тоа треба да се вклопи во манастирската црква, чија внатрешност деновиве се приспособува кон строгите православни барања. На оние кои од најразлични делови на Балканот доаѓаат таму за низ работа да го дадат својот личен придонес кон ова здание, тоа не им паѓа тешко. Бројните фанови на Тоше помагаат колку што можат.

Крушевчани, а семејство Проески особено, живеат за манастирот. Неговото довршување како своевиден аманет им го остави Тоше. Она што го работи Милан Ракочевиќ е само дел од сонот на македонската мегаѕвезда.





http://www.utrinski.com.mk/default.asp?ItemID=CA1E695451C1EF4AB16E26D804C33209

Што загубивме со смртта на Тоше



На 16 октомври 2007 година, на автопатот близу Нова Градишка во Хрватска, околу 6.20 часот, Македонија загуби многу. Младите останаа без идолот со чии песни растеа и учеа за љубовта. Во неговите стихови доминираа позитивни чувства, простување, надеж, верба. Тие останаа без човекот што бескрајно ги сакаше и секогаш беше расположен да им подари автограм и насмевка. За нив веќе ги нема незаборавните мигови на исчекување на неговите концерти на Градскиот стадион и бисовите без крај, кои редовно ги добиваа зашто Тоше никогаш не се штедеше.

Девојките загубија идол што личеше на принц од соништата. Убав, висок, насмеан, позитивен. Уште долго во својот живот во секоја нова симпатија ќе го бараат токму тоа скромно и воспитано момче, кое со години им се смееше од постерите на ѕидот од нивната соба. Возрасните, пак, загубија човек што беше пример за нивните деца. Никогаш не потклекна пред искушението на кој било порок. Стана пример за неколку генерации млади луѓе што се поистоветуваа со неговата хуманост и добрина.

Македонската музика изгуби пејач што со својата интерпретација од наједноставна мелодиска линија и од просечен текст, правеше мегахит. Загуби автор, кој можеше да создаде уште многу песни. Болните и сиромашните останаа без човекот што секогаш наоѓаше време и пари да им помогне, да им ја намали болката, за миг да им го разубави животот. За него, сите луѓе беа исти. Без разлика на вера, раса, пол. Уште долго, како легенди, ќе живеат спомените на луѓето што некогаш биле дарувани од неговата рака. Македонија го загуби најголемиот амбасадор. Каде и да настапуваше, постојано зборуваше за својата земја, го истакнуваше нејзиното знаме. Затоа и секогаш брзаше да се врати во саканата Македонија и во родното Крушево.

Што научивме од неговиот прекраток живот? Многу! По кој правец треба да чекори македонската музика. Како треба да изгледа и да се однесува вистинска музичка ѕвезда. Научивме дека Градскиот стадион може да се користи и за музички настани и оти може да собере и над 30.000 луѓе. Дека талентот и вербата во Господ може да бидат златен клуч за успехот. Научивме дека воопшто не треба да се срамиме да ја покажуваме и да ја делиме љубовта. Научивме дека треба секогаш да помагаме и да бидеме подобри и похумани луѓе. Научивме дека и во 21 век може да се живее со голема насмевка и со уште поголема душа.


http://www.dnevnik.com.mk/default-mk.asp?itemID=43780FF853D1324B823411E18CF83797&arc=1

Живееме со секој твој рефрен





Денеска се навршува една година од трагичната смрт на нашата легенда Тоше Проески, кој го загуби животот во автомобилска несреќа во Нова Градишка, Хрватска. Во црквата Св. „Никола“ во Крушево во 8 часот ќе се одржи парастос, а во 10 часот роднините, пријателите и неговите обожаватели ќе го посетат неговиот вечен дом на Гумење.

„Дневник“ денеска објавува специјален прилог посветен на македонската музичка легенда. Хрватскиот композитор и текстописец Мирослав Рус открива делови од песната што Тоше му ја нарачал за Крушево пред неговата смрт. Светски познатиот продуцент Енди Рајт најавува дека песните од англискиот албум на Проески ќе се емитуваат во филмски проект. Зетот на Тоше, Славен Ристевски, се сеќава како Тоше ги направил првите чекори на македонската музичка сцена.

Дел од неговите најблиски соработници: Симона Негриевска, Лилјана Петровиќ, Сашо Митков, Владо Георгиев, Дејан Миличевиќ, Бане Поповиќ, Дејан Недев, д-р Дејан Докиќ откриваат каков беше Тоше приватно, зад сцената за време на остварувањето на проектите. Авторот и режисер на документарецот „Пет години Балкан“, Огнен Неделковски, раскажува како се создал телевизискиот реквием за Тоше.


http://dnevnik.com.mk/?itemID=DB2A1BC8E7B42F40B956A3416EC167FB&arc=1

Болката по Тоше не стивнува!


16 октомври 2007 година, во 6.20 часот, во сообраќајна несреќа кај Нова Градишка - Хрватска, животот го загуби Тоше Проески. На последното патување кон Загреб, Тоше тргна во друштво на менаџерката Љиљана Петровиќ и возачот Ѓорги Ѓоргевски. Една година потоа се уште солзи и неверување на Гумење, во родното Крушево




Наместо музика - молк, наместо зборови - солзи... Наместо со него, Крушево се обидува да преживее без него, човекот легенда Тоше Проески. Една година по неговата трагична смрт на Гумење повторно е тажно. Само болка и солзи, а меѓу насобраниот народ неверица и прашањата без одговор - зошто и каде е нашиот ангел?! На денот кога точно пред една година кај Нова Градишка, во Хрватска, во сообраќајна несреќа животот го загуби нашата најголема музичка легенда на сите времиња Тоше Проески, со сите христијански почести се одбележа годишнината од неговата смрт. По желба на семејството на Тоше годишнината беше одбележана со црковен обред во црквата Успение на Пресвета Богородица со кој чиноначалствуваше митрополитот Преспанско - пелагониски г. Петар и со помен крај неговото вечно почивалиште на Гумење.
Во чест на поп-иконата и овојпат Крушево беше преполно. Почитувачи на неговиот лик и дело од целата земја, соседството, дел од политичкиот врв, дел од домашните колеги и неговата пријателка Антонија Шола.

"Заради него ја засакав Македонија, не можам се уште да сфатам што се случи", се единствените зборови што по кој знае кој пат излегуваат од устата на Шола. "Без Тоше е тешко и нема зборови со кои би можела да се искаже болката", речиси едногласни во своите изјави се и Каролина, Мартин Вучиќ, Весна Петрушевска, момците од Браво бенд и сите кои вчера дојдоа во Крушево да му одадат почит на Тоше...

И навистина е така. Почивај во мир легендо!

Сонот на Тоше станува реалност
Сонот за изградба на манастирот свето Преображение, лоциран во околината на Крушево, полека станува реалност. Патот е целосно завршен, наскоро ќе се завршат и конаците. Речиси ништо не е исто, но полека го добива ликот што Тоше сакаше да го преточи во реалност.

Можеби иста е само собата во која тој престојувал кога доаѓал на своето најомилено место. Тука е стариот кревет, но и креветчето од детството кое е донесено по желба на татко му Никола. На него се уште во едниот агол стои неговото име што тој самиот си го испишал.

Александра Тимковска
Фото: Ѓ.Личовски



ВЧЕРАУТРО ВО 6.20 СТАРТ ОД НОВА ГРАДИШКА
Маратонците тргнаа кон Крушево

Со маици со ликот на Тоше, свеќи во раката и солзи во очите, почитувачите на ликот и делото на Тоше во Хрватска, вчера уште еднаш и одадоа почит на македонската поп-икона. Во негова чест, вчераутро, точно во 6.20 часот, времето кога пред една година во близина на Нова Градишка настрада Тоше од стадионот на фудбалскиот клуб Слога во Нова Градишка стартуваше маратонот со кој се одбележа смртта на трагично загинатиот пејач. Маратонците во раните утрински часови на пат до Крушево ги испратија македонскиот амбасадор во Хрватска, Данчо Марковски, неговиот заменик, градоначалникот и претставници од Нова Градишка, а маратонците дојде да ги поздрави и градоначалникот на Загреб, Милан Бандиќ, како и многу фанови на Тоше.

Претходната вечер во хотелот "Краљ Томислав" е одржана и комеморација во организација на Радио Нова Градишка, а пред тоа на стадионот на фудбалскиот клуб Слога, местото од каде што со хеликоптер беше префрлено телото во Скопје се палеа свеќи во сеќавање на Тоше. Во чест на Тоше, на комеморација, хрватското културно-уметничко друштво "Крамариќ" извело две акапела верзии на песни на Тоше- "Зајди, зајди", и "Игри без граници".



Свеќи за Тоше гореа на плошатадот Македонија
Од раните утрински часови вчера реки луѓе повторно се слеваа кон плоштадот "Македонија" за да запалат свеќа за Тоше. Учениците дури и ги прекинуваа часовите за да дојдат на плоштадот и да се поклонат на нивниот идол. Во тревникот оставаа негови слики, пораки во кои му кажуваат колку го сакаат.

Во спомен-собата на Мајка Тереза, каде што Тоше често престојуваше, вчера гореа свеќи во спомен на ангелот. Вчера од 10 до 16 часот почитувачите на големиот уметник и хуманист му оддаваа почит. Како спомен на хуманоста на Тоше беше промовирано аудио ЦД, дело на Стојан Тренчевски, со репортажи во кој говорат 120 музички ѕвезди и авторитети од земјава и светот. Организатор на ова чествување беше граѓанската асоцијација, скопјанката Мајка Тереза во која Тоше членуваше и ја доби последната награда во својот живот - статуата блажена Мајка Тереза. (А. Ѓ.)

Бизнис со свеќи - зар тоа го заслужува нашиот Тоше
Годишнината од смртта на нашата ѕвезда Тоше Проески, некои вчера ја искористија за бизнис. И тоа, верувале или не, бизнис со свеќи. На градскиот плоштад Македонија, но и по улицата Македонија имаше безброј препродавачи на свеќи кои ги нудеа на минувачите од 10 до 20 денари. Многумина од нив беа изненадени од цената, бидејќи истите свеќи во црквните храмови чинат само два до три денари. Но, болката за нашата легенда не им оставаше простор на граѓаните да се ценкаат со препродавачите и повеќето од нив, иако изненадени без двоумење ги плаќаа. Но, имаше и такви кои иако желеа согледаа дека некој сака во болката да заработи и затоа реагираа. Препродавачите тогаш веднаш ги нудеа по намалени цени дури и за пет денари.

Една девојка прокоментира: "зар, некој и на ваков ден може да заработува. Нашиот Тоше кој беше познат по хуманоста, не заслужил некој со светите свеќи вака да прави ".

http://vecer.com.mk/?ItemID=9A0874D171ECF345B6AC5DDCEE6A565E

Една година без Тоше
Со упокоена литургија во црквата "Богородица" во Крушево и со црковна церемонија на вечното почивалиште на Гумење, вчера беше одбележана годишнината од трагичната смрт на македонската поп - легенда Тоше Проески.



Со упокоена литургија во црквата "Богородица" во Крушево и со црковна церемонија на вечното почивалиште на Гумење, вчера беше одбележана годишнината од трагичната смрт на македонската поп - легенда Тоше Проески.
Прекрасниот сончев ден во Крушево не успеа да им измами насмевки на лицата на редиците посетители што вчера го посетија неговото вечно почивалиште, поклонувајќи се пред мегаsвездата и човекот со големо срце, чии пораки уште долго ќе допираат до младите.
Средношколци од "Таки Даскалот" од Битола, оддавајќи му почит на големиот Тоше, порачаа: да се следи неговиот пример и да бидеме похумани.
"Тоше ќе остане засекогаш во нашите срца. Болката е голема, а неговите песни вечно ќе ги пееме", вели Ивана Атанасоска од Битола.
Лелеците "детето мое, мајкин син, син мој" на мајката на Тоше допираа до сите, не оставајќи ги рамнодушни ниту најцврстите.
Познати и непознати, обожаватели и фанови, пријатели и роднини, мали дечиња со родители, сите сакаа да стигнат да се поклонат на гробот на Тоше. Меѓу нив беа и Антонија Шола, Весна Петрушевска, Каролина, Ламбе, Мартин...
Вчера беше најавено дека на 25 јануари, роденденот на Тоше, во Крушево ќе биде поставен камен-темелник на спомен-куќата на мегаsвездата.

***

Кујунџиќ: Хрватска го доживува како свој

На гробот вчера дојде да се поклони и хрватскиот амбасадор во Македонија Иво Кујунџиќ. "Тоше беше врвен уметник и во Хрватска го доживуваме како свој, беше многу популарен и цела Хрватска тагуваше кога се случи трагичниот настан. И денеска во Хрватска во македонската православна црква луѓето се молат за Тоше и му оддаваат почит. Тоше и денеска го доживувам како врвен уметник", вели хравтскиот амбасадор во земјава Кујунџиќ.

***

26 маратонци тргнаа од Нова Градишка за Крушево

Вчера, точно во 6:20 минути, кога Тоше трагично го загуби животот, од хрватското место Нова Градишка, започна маратонот посветен на мега sвездата. 26 маратонци, како дваесет и шесте години на Тоше, го започнаа својот пат од Нова Градишка до Крушево, каде што би требало да стасаат во недела на пладне, да положат цвеќе и да запалат свеќа на гробот на Тоше. Маратонците се поделени во четири групи за да нема застој во трчањето. Маршутата е долга околу 900 километри.
На патот до Крушево ги испрати градоначалникот на Нова Градишка Даворин Клишуриќ, кој рече тека душата на Тоше останала во нивното место.
Маратонците се македонски спортисти, на кои им се придружија и неколку хрватски тркачи. Во план е овој гест на спортистите да стане традиција. Од Нова Градишка маратонците ги испрати долгогодишниот пријател на Тоше, Мирослав Поповиќ, кој пред една година во хелихоптерот од Нова Градишка за Скопје го внесе телото на Тоше. "Не ми беше лесно да се потсетам на најтешкиот ден од мојот живот", изјави Поповиќ за хрватските медиуми.



Илјадници свеќи во Скопје за Тоше

Неколку илјади скопјани вчера поминаа на плоштадот Македонија да запалат свеќа за Тоше Проески. На кругот со зеленило, во срцето на плоштадот Македонија вчера беше исто како пред една година. Многу млади луѓе запалија илјадници свеќи, а не изостанаа ни сликите од Тоше, исечоци од весници и ливчиња со посвета, кои ги оставаа неговите фанови.
Со солзи во очите, младите се сеќаваат на кобниот 16 октомври 2007 година и велат оти секоја година на овој ден ќе се собираат на Плоштадот во чест на големата sвезда.
(Б.Б.)


http://vest.com.mk/default.asp?id=158418&idg=8&idb=2501&rubrika=Makedonija

ЕДНОГОДИШЕН ПОМЕН ОД СМРТТА НА ТОШЕ

Крушевските камбани и срцата биеја за ангелот
Поддршка на најблиските роднини и соработници на Проески им дадоа стотици обожаватели, кои вчера го посетија неговото вечно
почивалиште


Присутните ја бакнуваа сликата на Тоше ставена меѓу иконите, како и тој да е светец



Разбиени камбани, храмови со ширум отворени врати, повеќечасовна црковна служба, топила од свеќи, солзи и река од луѓе со болен трепет во срцето. Вака изгледаше Крушево на годишниот помен од смртта на непреболената македонска ѕвезда Тоше Проески. Точно пред една година неговото срце престана да чука во сообраќајна несреќа кај Нова Градишка во Хрватска. На тажната годишнина топлото есенско сонце во Крушево беше немоќно да го стопи студенилото во душата што им остана на роднините, пријатели, обожаватели.

Имаше посетители од цела Македонија, Србија, Хрватска, Босна, но и од подалечни земји. Липаа додека траеше парастосот во црквата, а потоа со наведнати глави и тешки чекори го посетија неговото вечно почивалиште на Гумење. Изминатите 12 месеци беа премалку за да ги секнат солзите. Никој не може да ни ја излечи болката. Премалку ни беа неговите 26 години иако некој и сто години да проживее не може толку срца да освои - шепотеа луѓето меѓусебно свиени во тага.





Внукот Кристијан во прегратките на неутешeните родители на Тоше Крушевчани и' понудија топла регратка - Лилјана Петровиќ

РЕКА ОД СОЛЗИ



Црковните ѕвона на „Успение на Пресвета Богородица“, црква оддалечена само неколку метри од семејниот дом на Тоше, уште во седум часот изутрината ги повикаа верниците да се помолат за неговата душа. Храмот за кусо време стана претесен да ги собере сите што сакаа да запалат свеќа и да му го осветлат патот кон рајот. Од свеќи на шнаданите немаше место. Солзи се тркалаа колку по стаклата толку и низ лицата додека присутните ја бакнуваа сликата на Тоше ставена меѓу иконите, како и тој да е светец. Тричасовната црковна служба ја држеше владиката Петар, а семејство на Проески зеде света причест.


Тоше остави аманет младите да прават добри дела

- Само Господ знае кои се светци, но факт е дека духот на Тоше е обединувачки дух на македонските и балканските простори. Неговата душа, која имала допир со која било друга душа оставила траги на љубов, почит, чесност, на достоинствена инспирација за добри дела. Неговата прерана смрт натера многумина да ја разберат пораката на животот, да го исполнат со добри дела - изјави владиката Петар. Родителите на Тоше, неговата сестра и внуците изгледаа подеднакво скршени како пред една година. Солзите не пресушуваа, како ни воздишките и тивкиот плач што се откинуваше од душата. Кој е тој што може да им даде утеха за една ваква загуба? Тие живеат со својата болка и нема ништо што може да ги утеши. Исто е и со цело Крушево, зашто живееме во сурова реалност без него - воздивна нивниот прв сосед Јане Андревски. Облеана во солзи на парастосот присуствуваше и менаџерката на Проески, Лилјана Петровиќ. Крушевчани и' ја понудија топлата прегратка делејќи го непреболот со неа.


Липајќи и со наведнати глави стотици луѓе го посетија вечното почивалиште на Гумење

СТИХОЗБИРКА ЗА ТОШЕ





По парастосот река од стотици луѓе се упати кон вечниот дом на прерано починатата ѕвезда. Луѓето го бакнуваа застаклениот плакат, палеа свеќи, гробот и малиот параклис никнат крај него ги покриваа со мечиња, бели рози и со напишани стихови.


За Тоше Проески се ронеа солзи и во родното Крушево и во Скопје и во кобната Нова Градишка и во секое катче на Балканот до каде што допре неговиот ангелски глас

- Првата песна ја напишав на денот кога почина зашто силните емоции не можев да ги задржам во мене. Од тоа чувство се изроди цела стихозбирка со наслов „Ни едно време нема да те избрише“, која денеска бесплатно им ја делам на неговите обожаватели - изјави Ружа Димитриовска, поетеса од Прилеп. Ликот на Проески наѕираше од сите страни. Уште од влезот, каде што посетителите ги пречекува со раширени раце, па до стотината постери залепени на уличките.


Илјадници граѓани вчера спонтано се собраа на плоштадот Македонија во Скопје за да му оддадат почит на Тоше

- Уште многу време Крушево ќе ја чувствува непремостливата и неизбришлива тага по Тоше. Сеќавањата се подеднакво силни и болни како и пред една година. Неговиот роденден, 25 јануари, го прогласивме за општински ден на хуманоста. Иницијатива е тој да прерасне во национален ден на хуманоста - изјави градоначалничката Лефкија Гаџоска. Токму на Тошевиот роденден треба да се удрат темелите на новиот Меморијален комплекс, кој ќе се гради во негов спомен. Идното лето ќе се исполни и една од неговите најголеми желби, ќе се освети манастирот „Св. Преображение“ над Крушево, каде што тој го наоѓаше својот духовен мир.





Билборди со ликот на Тоше во Загреб

На иницијатива на хрватските обожаватели од фан-клубот на Тоше, 26 билборди со ликот на трагично починатата ѕвезда вчера осамнаа низ Загреб. На нив е испишан стихот: „Милион срца, една молитва“ од песната „Македонија навива за нас“, на авторот Александар Митевски, која беше избрана за навивачка химна на македонските репрезентации. Членовите на фан-клубот денеска ќе ја посетат македонската православна црква во Загреб, да запалат свеќа за покој на неговата душа. Бројката од 26 билборди ја симболизира возраста на Тоше. n



Маратонци од Нова Градишка се упатија кон Крушево

Точно во 6.20 часот од Нова Градишка, каде што пред една година на 16 октомври Тоше го загуби животот во автомобилска несреќа, 26 спортисти вчера го почнаа маратонот во чест на Проески. Тие ќе истрчаат 1.000 километри, а крајната дестинација е гробот на Тоше во Крушево. Меѓу маратонците е и деветгодишниот Филип Стојановски, кој четири дена ќе трча заедно со постарите ентузијасти. На стартот, маратонците ги испрати и загрепскиот градоначалник Милан Бандиќ, а пред почетокот беа пуштени 26 гулаби. На стадионот во Нова Градишка уште во претходната вечер обожавателите на Тоше палеа свеќи и положија венци во негова чест. Отворена е и книга на сеќавање.

http://dnevnik.com.mk/?ItemID=4E397B0EF0EAB54287D86A88E0D3266F

И во Нова Градишка одбележана годишнината од смртта на Тоше





Маратонот во чест на Тоше Проески почна од стадионот на фудбалскиот клуб „Слога“ во Нова Градишка, вчераутро во 6 часот и 20 минути, точно кога пред една година во сообраќајна несреќа на патот кај ова хрватско гратче загина Тоше Проески.

Маратонот е во организација на Атлетскиот сојуз на Македонија, фондацијата „Тоше Проески“ и Делта клубот на маратонци од Скопје. Нивното пристигнување во Крушево со пораката „Сите те сакаме Тоше“ се очекува в недела.

Во раните утрински часови маратонците ги испрати македонскиот амбасадор во Хрватска Данчо Марковски, неговиот заменик и повеќе високи функционери од Нова Градишка, меѓу кои и градоначалникот Даворин Силушиќ. Посебен поздрав добија и од загрепскиот градоначалник Милан Бандиќ.

Завчеравечер во хотелот „Крал Томислав“ се одржа и посебна комеморација во продукцијата на радиото на Нова Градишка, која ја осмисли новинарот Тони Браџашевиќ, со помош на сајтот новаградиска.цом. Претходно, жителите на Нова Градишка ѝ оддадоа почит на големата ѕвезда палејќи свеќи на стадионот на „Слога“, од каде што точно пред една година Тоше со хеликоптер беше пренесен до Скопје.

На комеморацијата биле изведени две акапела-верзии на песни на Тоше во интерпретација на културно-уметничкото друштво „Крамариќ“ од Нова Градишка. Најпрво, Ѓурѓа Алексиќ од „Крамариќ“ ја изведе и традиционалната македонска песна „Зајди, зајди“, која Тоше често ја изведуваше на своите концерти. Втората песна беше хитот „Игри без граници“ од последниот албум на Тоше.

- Ми беше тешко да ја испеам „Зајди, зајди“, која како да го отслика неговиот живот. Беше уште потешко зашто пеев и гледав во луѓе кои истовремено пееја со мене и плачеа - изјавила Алексиќ за хрватскиот портал „Индекс“.

Таа додала дека се планира концерт во чест на Тоше на 5 декември, денот на градот Нова Градишка, повикувајќи ги сите кои музичари кои соработувале со Тоше да се вклучат и да му оддадат почит на големиот човек, хуманитарец и пејач.

http://novamakedonija.com.mk/DesktopDefault.aspx?tabindex=8&tabid=2&fCat=1&top=1&EditionID=209&ArticleID=9381

Maraton u sjećanje na Tošu Proeskog







Ponosan sam tolikim brojem ljudi koji su se okupili da bi odali počast makedonskoj pjevačkoj zvijezdi koja je zasjala, ne samo u Makedoniji i Hrvatskoj, nego i u zemljama regije – kazao je makedonski veleposlanik u RH Danče Markovski na gradskome nogometnom igralištu u Novoj Gradiški, s koga je vojni helikopter prije godinu dana prevezao tijelo Toše Proeskog koji je poginuo 15. listopada na autocesti kod Nove Gradiške.
U srijedu navečer i četvrtak ujutro okupilo se više stotina Novogradišćana, najviše mladih Tošinih obožavatelja, palili su svijeće i tugovali za svojim idolom. Za makedonskog slavuja lampioni poslagani u obliku srca na atletskoj stazi svjedočili su o karizmi pjevača čija popularnost ne blijedi.
- Način na koji je djelovao privukao je mlade ljude i uspio u misiji njihova povezivanja. Napravio je ono što ni 50 veleposlanika ne bi moglo napraviti. Poruku koju je nosio sa sobom i način na koji se obraćao mladim ljudima završavajući svoje koncerte sa "Sve vas ljubim, pjevajte, budite sretni, poštujte se" ne može poslati ni jedna politika. Mladi ljudi iz Hrvatske i Makedonije su potencijal i kamen temeljac još čvršćeg povezivanja dvije zemlje. To me raduje. Danas smo ovdje da se Toše ne zaboravi – kazao je makedonski veleposlanik Danče Markovski.

Na obilježavanju obljetnice smrti makedonskog slavuja na nogometnom igralištu su se okupili makedonski veleposlanik Danče Markovski, Tošin bliski prijatelj Miroslav Popović, predstavnici grada Nove Gradiške predvođeni gradonačelnikom Davorinom Slišurićem. Položili su vijence i zapalili svijeće. U petak ujutro, na ispraćaju 16 makedonskih maratonaca sudionika ultramaratona Nova Gradiška - Kruševo pridružio im se i zagrebački gradonačelnik Milan Bandić, dajući podršku maratoncima i ističući pozitivan utjecaj koji Toše još uvijek ima na mlade.

Foto: Ivica Galović, Franjo Samardžić i Arhiva VL

http://www.vecernji.hr/home/showbiz/3185919/showPhotoSerie.do

http://www.radiomk.com/index.php?categoryid=1&p2_articleid=1180

Една година без Тоше Проески

Зар некој може да те замени?!


http://www.mmm.com.mk/?ItemID=89AD59B486E75845A2492CC7A6336C16

Обожавателите палеа свеќи на плоштадот „Македонија“


Слично како и минатата година на истиот ден, вчера обожавателите на Тоше спонтано се собираа на плоштадот „Македонија“ и палеа свеќи во негова чест. Одбележувањето на годишнината од неговата смрт во Крушево помина во кругот на најблиските, е во согласност со обичаите на христијанската традиција, според желбата на семејството.


http://www.novamakedonija.com.mk/DesktopDefault.aspx?tabindex=5&tabid=2&fCat=1&top=1&EditionID=209&ArticleID=9378

Maraton startao s mjesta odakle su odvezli Proeskog

16 . 10 . 2008 | 13:03 |



Преузето са http://www.24sata.hr/index.php

Suze, svijeće i poljupci za preminulog Tošu Proeskog

17 . 10 . 2008 | 15:51 |



Преузето са http://www.24sata.hr/index.php

http://www.totalportal.hr/article.php?article_id=232623
http://www.sarajevo-x.com/clanak/081016004
http://www.alo.co.yu/ljudi/8390/Maraton_Tosetu_u_cast