Обиљежавање прве годишњице

26-мина македонски атлетичари и бројни фанови на Тоше ќе трчаат ултрамаратон во негова чест



Од Нова Градишка каде што пред година загина големата поп ѕвездата Тоше Проески, 26 македонски атлетичари, во четврток во 6 часот и 20 минути ќе го започнат големиот ултра маратон од овој хрватски град до Крушево. Стартот ќе го означат сирените на Нова Градишка а ќе бидат пуштени 26 бели гулаби кои ги симболизираат годините и безграничниот дух за љубов и за хуманост на Проески.



Од фондацијата Тоше Проески и скопскиот маратонски клуб Делта, велат дека планираните 890 километри ќе ги трчаат во три етапи, за во недела во 12 да стигнат во Крушево на гробот од Тоше.



Маратонците меѓу кои е и македонската атлетска легенда Трпе Мартиноски, во Хрватска, Србија и Македонија ќе бидат придружувани од фановите на Тоше Проески.

http://www.kanal5.com.mk/ShowNews.aspx?ItemID=38955&mid=1500&tabId=1&tabindex=0

Маратон во чест на Тоше Проески



Дваесет и шест маратонци од Македонија, на 16 октомври, денот кога лани трагично загина познатиот пејач Тоше Проески, ќе тргнат по последната негова рута. Патеката ќе ја трчаат во обратен правец, од Нова Градишка до Крушево. Маратонот ќе трае 80 часа, а маратонците ќе истрчаат околу 900 километри.

Организаторите, маратон-клубот „Делта“ и Фондацијата „Тоше Проески“, очекуваат дека на 19 октомври околу 14 часот ќе пристигнат во Куманово, а според планот, во Македонија ќе им се приклучат и други спортисти. Маратонот е отворен и за учесници од другите земји, а на него ќе учествуваат 26 маратонци од Македонија - како симбол на 26-те години, колку што имаше Тоше. Стартот на маратонот е закажан за 6.20 часот. Пренос од настанот ќе вршат македонските телевизии.



http://dnevnik.com.mk/?ItemID=94F9B1AE50495440824759FDB42F9942

Триста шеесет и пет молитви за ангелот



Автор: Марија Таушанска




Поминаа 365 дена откако не си со нас, а јас испратив 365 молитви до Господ да те чува како ангел со најубава насмевка и со милозвучен глас, кој секогаш ќе бдее над нас и ќе нè штити од злo, едно детенце вчера напиша во своето писмо до Тоше.

Децата, како и сите жители на Македонија, на Балканот и пошироко, изминативе 365 дена секој на свој начин ја изразуваа тагата поради смртта на својот идол, чии песни ги знаеја наизуст и ги пееја со него на сите концерти, но и дома, на родендените, со другарите и другарките, ги ставаа како рингтонови на своите мобилни, ги менуваа клиповите со неговите спотови за „Сонце во твоите руси коси“, „По тебе“, „Чија си“, „Игри без граници“... Веруваме дека нема детска соба во Македонија во која нема барем еден залепен постер од најголемата македонска музичка ѕвезда, негово цеде, или барем неколку песни во компјутерот или на МП3-плеер.

А тој, ѕвезденото момче со најубава насмевка, најмногу на светот им се радуваше и ги сакаше токму нив, децата, својата најверна публика и секогаш имаше време за најмалите. Нивната голема љубов заемно се испреплетуваше. Иако доби безброј награди за својот прекрасен глас и за убавите песни, велеше дека тие воопшто не му се битни, и оти му се најважни средбите со публиката, со децата.

Со својата огромна хуманост Тоше одржа многубројни хуманитарни концерти, а и лично им помогнал барем на педесетина лица, од кои повеќето деца. На некои од нив им го спасил и животот. „Сонце“, „душичке“, „миличка“ им шепотеше на уво на оние дечиња што сакаа да го прегрнат на сцената и за сите имаше време и љубов.

Дечињата му оддаваа и сè уште му оддаваат почит на разни начини: со пишување на своите мисли и благодарноста до него на големи паноа што ги красат училниците и холовите на училиштата во сите градови во Македонија, правеа колажи од неговите фотографии и стихови од песните, цртање на неговиот лик, пишување песни, оставање мечиња на неговото вечно почивалиште, компонирање мелодии, сликање портрети, па и правење скулптури. Некои своите спортски победи му ги посветија нему, други организираа разни подвизи и натпревари во чест на најголемото и најблагородно срце на Македонија, а трети истрајни во намерата да го продолжат неговиот пат на хуманоста, организираа хуманитарни акции за да им помогнат на луѓето во неволја и да ја продолжат мисијата на Тоше.


http://www.novamakedonija.com.mk/ShowNews.aspx?ItemID=298&mid=691&tabId=134&tabindex=0&fCat=4

http://www.24sata.hr/show/clanak/u-cast-tosi-maratonci-trce-od-n-gradiske-do-kruseva/84263/?context=naslovnica&web_page_id=main_page_show

16/19 Oktomvri 2008 - UltraMaraton za Tose
Напишано од Kire Nauncevski
19.09.2008.

13. 10. - Poagjanje za Nova Gradiska vo sreda vo 6,00 h. kaj DrvoDekor. Nemoj slucajno da kasnite!
Vecer na A1 Ekskluziv ke ima prilog za Ultramaratonot za Tose. I vo vestite na Kanal 5 vo 5 h.
Informacijata za Ultramaratonot e objavena na hrvatskite sajtovi, i veke pocnaa da se javuvaat maratonci da trcaat, ne samo niz Hrvatska, tuku i do Krusevo. So nas niz Hrvatska ke trca i Dragan Nedelkovski - makedonecot od Varazdin.

Fotografii od Ultramaratonot ke ima tuka http://www.deltamk.org/gallery2/main.php?g2_itemId=4304





Programa:

16 Oktomvri
- 06:20 od Nova Gradiska, 12,00 Brod, 15,00 Zupanja, 21,00 granica Hrvatska/Srbija
- 21,00 vlez vo Srbija

17 Oktomvri
- 01,00 Sremska Mitrovica, 9,00 Beograd, 24,00 Svetozarevo

18 Oktomvri
- 9,00 Nis, 14,00 Tabanovce, 15,00 Kumanovo, 18,00 Skopje

19 Oktomvri
- 02,00 Veles, 05,00 Gradsko, 9,00 Prilep, 12:00 Krusevo

========

19. 9. - Deneska vo Krusevo imavme sostanok so Fondacijata Tose Proeski na koj se dogovorivme od 16-19 Oktomvri 2008 godina da ja istrcame poslednata marsuta po koja se dvizel Tose, vo obraten pravec. Ultramaratonot ke startuva na 16 Oktomvri vo 6:20 h. od Nova Gradiska, a ke go zavrsime vo Krusevo na 19 Oktomvri okolu 12:00 h. Ultramaratonot ke bide dolg 890 km. i ke go trcaat 26 maratonci od Makedonija. Za site drugi raboti ke ve izvestime od ponedelnik, koga ke se vratime od Saraevskiot polumaraton.

Ucesnici:
1. Sase Danevski - Rabotnicki
2. Trpe Martinovski - 7 Maj
3. Boris Danevski - Rabotnicki
4. Goran Stojanov - Delta
5. Jovica Stojanovski - Delta
6. Kire Nauncevski - Delta
7. Filip Andonovski - Delta
8. Miki Petrovski - Rabotnicki
9. Aleksandar Kiradziev - Rabotnicki
10. Vesna Kiradzieva - Rabotnicki
11. Tome Popcavaliev - Rabotnicki
12. Pero Todorovski - Alfa&Omega
13. Trajce Mihov - Izgrev
14. Viktor Toleski - Izgrev
15. Dusko Velickovski - Sofka
16. Gigo Ivanovski - Sri Cinmoy
17. Srgjan Milosevski - Izgrev
18. Blage Tasevski - Delta
19. Gjorgji Trendafilov - Strumica
20. Adem Selmani - Tetovo
21. Naum Kapricevski
22. Trajce Bogdanovski - Gostivar
23. Ivan Ristov - Kocani
24. Tome Spasevski - Okta
25. Gjoko Lazarevski - Delta
26. Filip Stojanovski - Delta
==================
http://www.deltamk.org/index.php?option=com_content&task=view&id=250&Itemid=1

Маратонците ќе бидат во Скопје 18.10, во 18 часот на плоштад... ...ајде сите фанови да се собереме и да ги поздравиме ...навистина ... за маратонците...немам зборови...

Во чест на Тоше CMC канал го репризира ланскиот концерт на Хвар

Во чест на легендарниот Тоше Проески, на популарниот хрватски CMC музички канал, утре, 16. октомври во 20 часот, точно на годишнината на трагичниот настан, ќе биде репризиран концертот кој нашата мегаѕвезда го одржа во рамките на ревијалниот дел на Хрватскиот Радиски фестивал, кој се случи лани на островот Хвар.

Пред концертот на Тоше му беше врачено престижното Гран-При на фестивалот, бидејќи неговата песна Вежи ме за себе, во силна конкуренција, беше апсолутен хит и ги освои сите хрватски радио-станици.

За да и се одолжи на хрватската публика, Тоше, придружуван од својот бенд, одржаа одличен концерт на Хвар под отворено небо, а присутните новинари од Македонија не ги штедеа комплиментите

http://mmm.com.mk/?ItemID=25168CE99543554CA4AB0654A9BBF980

14. октомври 2008.

Во пресрет на тажниот 16-ти октомври...

За два дена и формално ќе биде одбележана годишнината од смрта на македонскиот славеј Тоше Проески. Во пресрет на оваа тажна дата, хрватскиот портал 24 сата.хр објави текст, кој го пренесуваме во целост:

Родителите на Тоше, Никола и Доминика Проески, не ја симнуваат црнината. Помина една година од смртта на македонската ѕвезда, а неговата соба во родното Крушево е претворена во музеј. Мајката на Тоше не знае како да ја потисне болката.

Со сопругот летово го посетивме Израел за да го пронајдеме синот. Секаде пребаравме, но него го нема – скшена од болка вели таа.

Сестрата на Тоше, Дори, од куќата излегува два пати на ден - кога со мајката Доминика оди на гробот.

http://mmm.com.mk/?ItemID=CE64CDB27E4A0E45ACFA323A198959D0

Од кога загина, не го вклучивме телевизорот. Не излегуваме зошто се плашиме да не ги слушнеме неговите песни. Од кога умре, не му го слушнав гласот – плачеше мајката, која не беше на концертот во Скопје.

Помеѓу 45.000 негови фанови, од семејството беа само внукот Кристијан и зетот Славен Ристевски.

Маратон во чест на Тоше Проески

Дваесет и шест маратонци од Македонија, на 16. октомври, денот кога лани трагично загина познатиот пејач Тоше Проески, ќе тргнат по последната негова рута. Патеката ќе ја трчаат во обратен правец, од Нова Градишка до Крушево. Маратонот ќе трае 80 часа, а маратонците ќе истрчаат околу 900 километри.

Организаторите, маратон-клубот Делта и Фондацијата Тоше Проески, очекуваат дека на 19 октомври околу 14 часот ќе пристигнат во Куманово, а според планот, во Македонија ќе им се приклучат и други спортисти. Маратонот е отворен и за учесници од другите земји, а на него ќе учествуваат 26 маратонци од Македонија - како симбол на 26-те години, колку што имаше Тоше. Стартот на маратонот е закажан за 6.20 часот. Пренос од настанот ќе вршат македонските телевизии.

Време, број 1494, 14.10.2008







ВО КРУШЕВО НАЈАВЕНИ ОКОЛУ 400 ГОСТИ
Една година од смртта на Тоше
Околу 400 гости од цел Балкан се очекува деновиве да ги исполнат капацитетите на хотелите и на приватното сместување во Крушево за в четврток, на 16 октомври, да му оддадат почит на великанот Тоше Проески, точно една година по неговата трагична смрт. Овој викенд во Крушево пристигнаа неколку автобуси со гости од Хрватска, сметајќи дека едногодишниот помен ќе се случува во тие денови, но некои од нив остануваат се до крајот на оваа недела. В четврток, во чест на омилениот балкански ангел Тоше Проески, во седум часот ќе се одржи парастос во црквата „Света Богородица“, а потоа ќе има и организирана посета на вечното почивалиштето на легендата. На пладне, семејството на Проески ќе дава ручек за стотина гости во црковната менза на „Света Богородица“, а за другите гости ручек ќе се дели во хотелот „Панорама“.


http://www.vreme.com.mk/DesktopDefault.aspx?tabindex=0&tabid=1&ArticleID=100303&EditionID=1524

Љиљана Петровиќ: Често помислувам дека требаше и јас да заминам со Тоше
вторник, 14 октомври 2008




Година дена по трагичната, прерана смрт на Тоше Проески, неговата менаџерка Љиљана Петровиќ во интервју за српски весник открива некои детали за животот по смртта на нашиот Ангел



Година дена по трагичната смрт на младиот пејач неговата менаџерка Љиљана Петровиќ, во разговор за српскиот весник Прес, открива некои интимни детали за нејзиниот живот и животот на најблиските на Тоше по неговата смрт.


„Крај на животот... Немам деца, а откако си замина и Тоше, мојот живот повеќе нема смисол. Често си мислам дека требаше да заминам заедно со него“, рече Љиљана Петровиќ.


Таа беше често спомнувана по смртта на Тоше и тоа во негативен контекст на матни зделки. Беше обвинувана за нелегални активности, префрлање на поголеми суми пари на нејзини приватни сметки, а не на сметка на фирмата со цел да избегне плаќање на данок. Но, таа ги отфрли сите оптужби пристигнати на нејзина адреса и изјави дека нивниот бизнис бил целосно легален и сега е завршен.


Сега година дена по трагичната несреќа таа мисли дека нејзиниот живот завршил истиот тој кобен ден, и дека не би можела да соработува со никој друг по Тоше. Ги демантираше и изјавите за наводно лошиот однос со родителите на Тоше Проески. „ Родителите на Тоше вегатираат. Тие се чувствуваат многу лошо. Живеат само за да се разбудат наутро и отидат да го посетат неговиот гроб. Не примаат посети, а јас им помагам колку што можам“, појаснила Љиљана.

Љиљана Петровиќ, помеѓу другото, тврди и понатаму дека ракометарката Адријана Будимир не била во врска со Тоше непосредно пред несреќата, и дека тоа го дознала од листата на пораки на која не бил бројот на Адријана. Спомнала и голем број колеги на Тоше кои се налутиле бидејќи не биле поканети на хуманитарниот концерт кои беше одржан во негова чест. На таа листа се Каролина Гочева, Жељко Јоксимовиќ и многу други.

„Никој не треба да се лути. Концертот траеше четири саати и реално немаше време сите пријатели на Тоше да отпеат по една песна“, додаде за крај.


http://kirilica.com.mk/vest.asp?id=17525

Sekoja cest

јас сакам да идам во сабота на плоштад...ќе доаѓа друг?...

И јас сакам Ајде може да се договориме повеќе луѓе да отидеме...Навистина заслужуваат штом на таков убав начин му оддаваат почит на Тошка

bravo a jas se iznamaciv da go prenesam so svoi zborovi
gledate sto ke pravat a vo sk?
pa ...............

http://www.exclusive.com.mk/article_item.asp?artid=7829

aleksandra напиша:

јас сакам да идам во сабота на плоштад...ќе доаѓа друг?...

zasto vo sabota?

Една година без Тоше Проески




Ден пред годишнината од несреќата во која кај Нова Градишка загина македонската поп икона Тоше Проески обвинителството реши да покрене обвинение против Ѓорѓи Ѓоргески, другарот на Тоше, кој го управуваше џипот „туарег“.

Утре навршува точно една година откако се случи трагичната сообраќајна несреќа во Нова Градишка во Хрватска, во која загина нашата најголема музичка ѕвезда Тоше Проески.

Од тогаш па се до денес, Крушево и Македонија не можат да се одделат од тагата за Тоше. Утре неговото семејство и неговите најблиски ќе одржат едногодишен помен со свечена литургија во црквата Успение на Пресвета Богородица со почеток во 7 часот.

Инаку, во текот на оваа измината година Крушево беше центарот кадешто се случуваа голем број настани во чест на Тоше. Стотици илјади луѓе од целиот Балкан го посетија Крушево.

Крајната манифестација во чест на Тоше беше концертот одржан на Градскиот стадион во Скопје, организиран од Фондацијата „Тоше Проески“. Со концертот, вели извршниот директор на Фондацијата, е исполнета една многу голема желба на Тоше.

„Имајќи ја предвид основната програмска задача и цел за која е формирана Фондацијата, е одржан овој голем хуманитарен концерт на Градскиот стадион со што е исполнета една голема желба и ветување на Тоше“, изјави Андреј Николовски, извршен директор на Фондацијата.

„Имајќи ја предвид ја предвид посетеноста на самиот настан, очекуваме да се соберат доста финансиски средства, а заедно со генерираните повици од сите мобилни и фиксни оператори, се надеваме дека во наредниот период ќе успееме да направиме една голема хуманитарна активност“, вели Николовски.

„Исто така, би можел да информирам дека денес за Нова Градишка заминаа 26 маратонци кои точно во 6 часот и 20 минути во Крушево ќе донесат една порака - Ве сакам сите!“, рече директорот на Фондацијата.

„Во врска со насобраните средства, дополнително ќе биде формирана една комисија и заедно со претставници од Министерството за култура, во зависност од сумата којашто ќе биде собрана, ќе се одлучи каде ќе бидат наменети“, додаде Андреј Николовски.

Инаку, по литургијата којашто започнува утре во 7 часот, ќе се одржи и црковен помен на гробот на Тоше со почеток околу 11 часот, а според желбата на семејството Проески, освен црковните обреди, не се закажани никакви други активности.

www.a1.com.mk

http://www.vecer.com.mk/?ItemID=C7F41AA00072B241A005826EDD5BAD02

http://www.dnevnik.com.mk/default.asp?ItemID=1CB8BDF266D95C44849632DD2DCCDF2D

Крушево ја одбележува првата годишнина од смртта на Тоше



Утринска служба во „Св. Богородица“, посета на вечното почивалиште и ручек за душа на покојниот Проески

Првата годишнина од трагедијата во која загина Тоше Проески и која ја зави Македонија и Балканот во црно, денеска, во неговото родно Крушево ќе биде одбележана со одржување повеќе верски обичаи. Во Крушево се очекуваат бројни посетители од целиот Балкан и надвор од него, а, како што се најавува, одбележувањето ќе започне во седум часот со парастос во црквата „Света Богородица“, а потоа ќе има и организирана посета на вечното почивалиштето на Тоше Проески на Гумење.

Околу пладне, семејството на Проески ќе дава ручек за стотина гости во црковната менза на „Света Богородица“, додека за другите гости ручекот ќе се дели во хотелот „Панорама“.

„Годишнината ќе биде одбележана со верски обичаи, без некои други посебни активности, зашто сметаме дека сега не е моментот за тоа. Службата во 'Св. Богородица' ќе започне во 7 часот, а ќе трае до 10,30 часот, по што ќе заминеме на вечното почивалиште на Тоше, каде што во 11 часот ќе се одржи уште една служба. Потоа, родителите и семејството ќе дадат ручек за душа“, ни рече Андреј Николоски, извршен директор на меѓународната фондација „Тоше Проески - Крушево“.

„Мојот единствен дом и место каде што се чувствувам најубаво е Крушево, градот во кој го поминав своето детство и местото каде што живеат моите родители. Мојот живот е 'патувачка куќа', но тоа не ми пречи затоа што исклучително ја сакам мојата работа, а патувањата се дел од неа“, говореше Тоше, кој секогаш со голема љубов и радост зборуваше за своето родно Крушево, кое по неговата смрт е преполно со обожаватели од земјата и надвор од неа.

Во чест на трагично загинатата македонска ѕвезда, денеска, точно во 6,20 часот ќе започне и еден од најдолгите маратони, околу 1.000 км, на релација Нова Градишка- Крушево. Организатори на маратонот се Меѓународната фондација „Тоше Проески“, Атлетската федерација на Македонија и маратон клубот „Делта“ од Скопје, со одобрение на семејството Проески. Маратонците од Нова Градишка ќе ги испрати Стојан Руменовски, амбасадор на Македонија во Хрватска, градоначалникот на Нова Градишка Даворин Слушуриќ, градоначалникот на Загреб Милан Бандиќ и пријателот на Тоше Мирослав Поповиќ. Тие ќе бидат поделени во групи, се' со цел четиридневното трчање да не запре во ниту еден момент. Планираното пристигнување во родното Крушево е в недела, во 12 часот, а веднаш по доаѓањето, маратонците ќе положат цвеќе и ќе запалат свеќи на гробот на Тоше.

Маратонот во чест на Тоше Проески ќе се трча секоја година по истиот пат, додека за наредната година се најавува негова организација налето, со цел на маратонците да можат да им се придружат и учениците.

И фановите во Хрватска ќе ја одбележат првата годишнина од смртта на Тоше Проески. Денеска, од 17,30 до 19 часот ќе биде отворена македонската православна црква во Загреб, каде што неговите обожаватели ќе можат на свој начин да го одбележат овој тажен ден. Ќе може да се запалат свеќи, да се остават пораки, писма, слики... Според најавите, во текот на вчерашниот ден во Загреб беше предвидено и да осамнат 26 џамбо-плакати, секој за по една година од животот на Тоше.

Повеќето радио и ТВ-медиуми во Хрватска во текот на денешниот ден ќе емитуваат специјални емисии посветени на македонската ѕвезда. (К.Ш.)


http://www.utrinski.com.mk/?ItemID=6956F9CF1EB9664D9F415FC78D63FE67

http://www.cmc.com.hr/

ДЕНЕС СЕ НАВРШУВА ЕДНА ГОДИНА ОД ТРАГИЧНАТА СМРТ НА ТОШЕ
Годишницата од смртта во кругот на семејството



Во Крушево, денес, во 7 часот наутро ќе се одржи црковната служба во црквата "Св Богородица" и обредот ќе трае до 10, 30 минути. Семејството на Тоше, роднините и пријателите ќе заминат на гробиштата "Гумење" да го посетат неговиот вечен дом, по што семјеството Проески, ќе дава ручек за душа на покојниот. Денешното одбележување на смртта на мега sвездата ќе биде во кругот на неговите најблиски, велат од Фондацијата Тоше Проески. До пред некој ден околу 400 фанови на Тоше од Македонија и екс -ју републиките биле во Кршево за да му оддадат почит.

***

26 маратонци ќе трчаат од Нова Градиша до Крушево

Денес е точно една година од трагичната смрт на мега sвездата Тоше Проески, кој загина на патот кон Загреб, кај местото Нова Градишка во Хрватска. Во негова чест, на годишницата од неговата смрт, 16 октомври, во 6 часот и 20 минути наутро, времето кога тој загина, ќе започне еден од најдолгите маратони. 26 маратонци (онолку колку што години имаше и Тоше) ќе трчаат 900 километри, поаѓајќи од Нова Градишка до Крушево. Тие во Крушево треба да стасаат в недела во 12 часот, каде на гробот на Тоше ќе положат цвеќе и ќе заплат свеќа. Маратонците ќе трчаат четири дена и ќе бидат поделени во групи за да нема застој во трчањето.
Маратонците се македонски спортисти, на кои ќе им се придружат и неколку хрватски тркачи. Во план е секоја година да се одржува маратон во чест на Тоше, но на лето, за да може да се приклучат и учениците. Меѓу организаторите е и македонскиот маратонски клуб "Делта". Маратонците од Нова Градишка ќе ги испрати долгогодишниот пријател на Тоше, Мирослав Поповиќ, кој пред една година во хелихоптерот го внесе телото на Тоше. Овој проект е одобрен од семејството на поп sвездата како и од Фондацијата Тоше Проески.

***

На хрватскиот СМС музички канал ланскиот концерт на Тоше на Хвар

Денес, во чест Тоше Проески, на популарниот хрватски СМС музички канал во 20 часот ќе биде репризиран концертот кој мегаsвезда го одржа во рамките на ревијалниот дел на "Хрватскиот Радиски фестивал", кој лани се се одржуваше на острвот Хвар. Пред концертот на Тоше му беше врачено престижното Гран-При на фестивалот, каде неговата песна "Врзи ме за себе" (Вежи ме за себе) беше апсолутен хит, ги освои сите хрватски радио-станици, а Тоше беше единствениот Интернационален пејач кој победил на ХРФ-едена од најпрестижните музички манифестации во Хрватска.
(А.Г.)

***

Скопјанецот Тони Ангелески со велосипед до гробот на Тоше

Скопјанецот Тони Ангелески со велосипед од Скопје ќе замине за Крушево, за да му оддаде почит на Тоше. Тој, ќе тргне од Скопје во сабота во 6, 30 часот. Во Крушево треба да пристигне во недела во 12 часот, заедно со маратонците од Нова Градишка.
"Ова е моја идеја и желба, да се поклонам на неговиот вечен дом. Обид со малку да вратиме на неговото дело. Годинава е самоиницијативно, но од година е со тенденција да прерасне во традиција со велосипед до Крушево" вели Тони.
Ангелески е вработен во МВР, а со велосипедизам се занимава аматерски. (В.М.)



http://www.vest.com.mk/default.asp?id=158334&idg=8&idb=2500&rubrika=%40ivot

Живееме со секој твој рефрен





Денеска се навршува една година од трагичната смрт на нашата легенда Тоше Проески, кој го загуби животот во автомобилска несреќа во Нова Градишка, Хрватска. Во црквата Св. „Никола“ во Крушево во 8 часот ќе се одржи парастос, а во 10 часот роднините, пријателите и неговите обожаватели ќе го посетат неговиот вечен дом на Гумење.

„Дневник“ денеска објавува специјален прилог посветен на македонската музичка легенда. Хрватскиот композитор и текстописец Мирослав Рус открива делови од песната што Тоше му ја нарачал за Крушево пред неговата смрт. Светски познатиот продуцент Енди Рајт најавува дека песните од англискиот албум на Проески ќе се емитуваат во филмски проект. Зетот на Тоше, Славен Ристевски, се сеќава како Тоше ги направил првите чекори на македонската музичка сцена.

Дел од неговите најблиски соработници: Симона Негриевска, Лилјана Петровиќ, Сашо Митков, Владо Георгиев, Дејан Миличевиќ, Бане Поповиќ, Дејан Недев, д-р Дејан Докиќ откриваат каков беше Тоше приватно, зад сцената за време на остварувањето на проектите. Авторот и режисер на документарецот „Пет години Балкан“, Огнен Неделковски, раскажува како се создал телевизискиот реквием за Тоше.


http://www.dnevnik.com.mk/?ItemID=2FB56D03C813B0448E5BA59A0FA9C7C6

Болката по Тоше не згаснува


И по една година, тагата што ги обви Крушево и цела Македонија не стивнува. Сите со голема горчина и болка се присетуваме на минатиот 16 октомври кога пристигна веста за големата трагедија што ги потресе Македонија и Балканот.
Оној 16 октомври кога на плоштадите низ балканските градови луѓето со неверување, болка и низ солзи палеа свеќи, оставаа милиони потресни пораки, посвети, цветови за нашиот вечно насмеан Тоше, кој прерано замина во вечноста. Илјадници обожаватели, тинејџери, деца, туристи, стари, млади, почитувачи на делото на нашата најголема музичка ѕвезда, кој пред точно една година загина во тешка сообраќајна несреќа кај Нова Градишка, Хрватска, денеска ќе го посетат неговото вечно почивалиште на Гумење за да му оддадат почит.
Вчера во Крушево пристигнаа околу 12 автобуси со над 1.000 средношколци од целата земја, кои дошле да и оддадат чест на својата омилена музичка легенда и да запалат свеќа на неговото вечно почивалиште на Гумење.
На гробот може да се забележат бели цветови во форма на крст кои ги оставиле неговите обожаватели. Меѓу оставените подароци, впечатлив е и инструментот бузуки со грчко знаменце на него, кој го оставил некој грчки фан на Тоше.
Меѓу посетителите може да се забележат голем број луѓе од балканските земји, а за денеска е најавено дека во Крушево ќе пристигнат околу 400 гости и обожаватели на Тоше од Хрватска.
Во рамките на одбележувањето на годишнината од смртта во црквата „Св. Богородица“ во 7 часот ќе се одржи опело во чест на Тоше, предводено од преспанско-битолскиот владика Петар, а во 10.30 часот ќе се одржи помен на неговото вечно почивалиште. На литургијата ќе присуствуваат и свештени лица од Крушево со кои нашиот поп-пејач бил духовно поврзан и со кои Тоше често разговарал за религијата и за духовните сфери.
Околу пладне семејство на Тоше и неговите најблиски во негова чест организираат ручек во градската црковна менза и во хотелот „Панорама“. Забрзано се работи на доизградбата на манастирот „Св. Преображение“ и манастирскиот конак за кој секојдневно пристигнуваат разни донации, а веќе се обезбедени врати и прозорци. Во чест на Тоше, 26 маратонци од клубот „Делта“, утрово во 6.20 часот ќе тргнат од Нова Градишка, утре ќе пристигнат во Белград, а в недела се очекува да стасаат во Крушево.



Концертот на Тоше во Хвар на хрватски музички канал



Во чест на нашата музичка легенда, на популарниот хрватски музички канал точно на годишнината на трагичниот настан, вечерва во 20 часот ќе биде репризиран концертот кој нашата мегаѕвезда го одржа во рамките на ревијалниот дел на хрватскиот Радиски фестивал, кој беше лани на островот Хвар.
Пред концертот на Тоше му беше врачено престижното Гранпри на фестивалот, бидејќи неговата песна „Вежи ме за себе“ беше апсолутен хит и ги освои сите хрватски радиостаници.
За да и се оддолжи на хрватската публика, Тоше придружуван од својот бенд одржа одличен концерт на Хвар под отворено небо, а присутните новинари од Македонија не ги штедеа комплиментите дека ова беше еден од најубавите настапи во кариерата на Тоше.



Јапонски вајар изваја релјеф на Тоше


Јапонскиот уметник Риота Кошка, поранешен учесник на Прилепското уметничко лето изваја мермерен релјеф со ликот на Тоше Проески, кој му е предаден на семејството Проески.
Скулпторот Кошка, го запознал Проески пред неколку години кога престојувал во Прилеп. Испраќајќи го релјефот до семејството Јанески, кое го предаде на семејството Проески, Кошка напишал:
- Трагичната вест длабоко ме потресе и ме растажи. Бидејќи се навршува една година од неговата смрт, релјефот е споменик за него. Се обидов во мермерот да го преточам неговиот благороден лик. Тоше беше музичка ѕвезда и големо сонце за Македонија.
Диме Јанески, секретар на Центарот за современа ликовна уметност во Прилеп, му го предаде релјефот на семејството Проески.


http://www.spic.com.mk/DesktopDefault.aspx?tabindex=0&tabid=1&EditionID=679&ArticleID=26834