Изградба на манастирот "СВЕТО ПРЕОБРАЖЕНИЕ"

ТЕНДЕР ЗА ИЗГРАДБА
Ќе се гради патот од „Свето Преображение“ до крстот
Министерството за транспорт и врски денеска објавува тендер за изведување градежни работи за изградба на патот што ќе го поврзува манастирот „Св. Преображение“ во Крушево со локацијата на која ќе биде изграден висок крст. Патот треба да биде со должина од приближно 823 метри, 3,5 метри во широчина и со банкини од 50 метри. Изградбата на патот ќе ја финансира Владата на Република Македонија и е дел од активностите што се посветени на зачувување на ликот и делото на Тоше Проески и остварување на неговиот сон, манастирот „Св. Преображение“ да стане место кое ќе го посетуваат многумина. Министерството за транспорт и врски на 23 август годинава го пушти во употреба локалниот пат, кој го поврзува Крушево со манастирот „Св. Преображение“, во должина од 3.050 метри и со широчина од 5,50 метри, чија изградба беше финансирана со средства од буџетот на Република Македонија.


http://www.vreme.com.mk/DesktopDefault.aspx?tabindex=0&tabid=1&ArticleID=99825&EditionID=1518

Последната желба на Тоше - изградба на манастирот

Илјадници свеќи, безброј молитви и солзи, една година тага и непребол. Стотици илјади луѓе од целиот Балкан дојдоа во Крушево да му оддадат почит на Тоше.

„Многу добар беше, хуман. Секогаш им помагаше на тие што треба. Многу е тешко, но сепак сме горди што се сеќаваме на сето тоа што го направи за Македонија“, рекоа присутните.

Во негова чест се одржуваа планинарски маршеви, се возеа велосипедски маратони од Крушево до Словенија.

Тоше беше голема легенда и додека живееше. Сега ќе стане уште поголем идол, и на младите и на старите.

Се оствари и неговата последна желба, по интензивна изградба на манастирот кој тој го градеше, а помагаа луѓе од цела Македонија.

„Му беше единственото место каде го наоѓаше неговиот мир. Возбудени сме, секаде има слики од Тоше Проески, сите зборуваат за него. Имам едно чувство дека цело време е тој со нас и не гледа од некаде“, велат обожаватели.

Според желбата на Тоше, покрај манастирот ќе се прави и крст висок 33 метри.

„На сите ни велеше, на татко му, чале му велеше, дека на ова место ќе направиме крст и еве, желбата на Тоше ќе му се исполни“, рече Атанас Проески, чичко на Тоше.

Стариот мотел на Гумење ќе се пренамени за спомен куќа на Тоше.

„Младите генерации си имаат свои херои, младите генерации свои идоли. Несомнено дека Тоше е нивниот идол и нашиот ангел“, изјави Лефкија Гаџоска, градоначалник на Крушево.

А како крајна манифестација во чест на Тоше се одржа и грандиозниот концерт на Стадион во Скопје.

www.a1.com.mk

Иконостасот за манастирот на Тоше ќе тргне за Крушево во април


Во Кралево од прилепски мермер се обликува иконостасот за црквата што беше животен сон на Проески

Далеку од очите на јавноста, во четирите ѕида на своето ателје во Кралево, академскиот скулптор Милан Ракочевиќ го оформува иконостасот за манастирот „Св. Преображение“ кај Крушево. Прилепскиот мермер „сивец“ го обработува со многу љубов, знаење, грижа... со строго придржување кон православната традиција.

И со огромна почит кон трагично загинатата македонска легенда Тоше Проески, кому животен сон му беше завршувањето на манастирот „Св. Преображение“ во близина на родното Крушево. Без сомневање, иконостасот ќе биде онаков каков што си го замислувал Тоше во своите мечти. Многу сличен на оној во катедралната црква „Света Софија“ во Охрид, кој многу го бендисал. Нема причини желбата да не се реализира, зашто Ракочевиќ е автор и на охридскиот и на неколку други иконостаси изработени од истиот мермер.

Во почетокот на годинава авторот двапати престојувал во Крушево кај семејството Проески. „Се совпаднаа барањата на родителите на Тоше и моите интенции за изработка на иконостасот. Договорот со нив одеше лесно. Се најдовме како верници - и тие и јас инсистираме на црковното предание“, ни раскажа Ракочевиќ. Жали што лично не го запознал Тоше, но вели дека ја следел неговата кариера.

Првичната желба на Тоше била иконостасот да биде изработен од дрво, но во долгите разговори со татко му Никола, сепак, изборот паднал на прилепскиот мермер. Најблиските раскажуваат дека Никола инсистирал иконостасот да биде во мермер, зашто „...местото е високо, над 1.700 метри, дрвото нека трае стотина години, потоа ќе пропаѓа...“ Тоше го прифатил објаснувањето на таткото и рекол: „Добро, чале, нека биде од мермер. Потрајно е“.



Есенва Ракочевиќ го очекува семејството Проески во Кралево. Да го видат сработеното, да ги кажат евентуалните забелешки. Дотогаш авторот настојува да сработи колку што е можно повеќе. Во ателјето поминува по 10 часа дневно. Во 7 часот наутро прво ќе му се помоли на Бога, па дури потоа се фаќа за работа. В раце ја зема мацолата тешка еден килограм и во „сивецот“ удира по 50 пати во минута. За обичните посетители, правот што се крева е неподнослив. „Работата е напорна, мачна. Мермерот можат да го работат само најупорните, најпосветените. „’Сивецот‘ е исклучително квалитетен, меѓу најдобрите на пазарот и убаво се работи“, ни објаснува Ракочевиќ и шеговито забележува: „Навлечен сум на каменот. Кога воздухот е премногу чист, ми пречи“.

Во текот на месецов планира да ги заврши парапетните плочи, а ги има вкупно шест. На нив ќе бидат поставени столбовите со богата резба работена по угледот на цариградските, светогорските, охридските цркви и манастири. Ретко дозволува денот да му помине без обработка на камените плочи. Всушност, како голем верник, не работи само на верски празници.

Договорот со семејството Проески сака да го испочитува. А тоа подразбира транспортот на иконостасот да биде во април. Тогаш, во манастирот „Св. Преображение“ кај Крушево го очекува најмачниот дел од работата - монтажата. Вели дека секогаш има мали отстапки од проектот и таму, на самото место, ќе ги сече камените делови. Се' мора да биде онака како што налага православната традиција, зашто иконостасот е поврзан со потребите на литургијата. Распоредот е класичен - иконостасот има три отвори - за Царските двери, за Проскомидијата и за Ѓанониконот. Сето тоа треба да се вклопи во манастирската црква, чија внатрешност деновиве се приспособува кон строгите православни барања. На оние кои од најразлични делови на Балканот доаѓаат таму за низ работа да го дадат својот личен придонес кон ова здание, тоа не им паѓа тешко. Бројните фанови на Тоше помагаат колку што можат.

Крушевчани, а семејство Проески особено, живеат за манастирот. Неговото довршување како своевиден аманет им го остави Тоше. Она што го работи Милан Ракочевиќ е само дел од сонот на македонската мегаѕвезда.

www.utrinski.com.mk

Исполнета желба на легендарниот музичар

Ќе светне манастирот на Тоше

Утре вечер (понеделник, 7-ти јуни), во 20 часот свечено ќе биде пуштено во употреба осветлувањето во манастирот на Тоше Проески, со што светлина ќе блесне пред Светлината.

Во присуство на највисоки државни претставници и високи свештени лица од МПЦ ќе биде ставена во употреба мрежата која ќе го осветли манастирот и конакот.

Со ова се исполнува големата желба на Тоше да се осветли манастирот Свето Преображение, чија изградба ја финансираше и изјави дека тој му е духовниот дом, дека тука го наоѓа својот душевен мир и дека после се ќе заврши тука.

Во реализација на овој проект учествуваа ЕВН, Владата на Република Македонија, а се искористија и дел од парите од концертот Со хуманост до светлина, кој во чест на Тоше се одржа на 24. јануари годинава во арената Борис Трајковски во Скопје, на ден пред неговиот роденден.


Дел од тие пари освен за осветлување на манастирот на Тоше, Свето Преображение во Крушево, ќе се употребат и за 33,5 метарскиот крст кој ќе се гради во негова близина.

Фановите на Тоше ќе присуствуваат на овој значаен настан, со кој уште еднаш ќе му се оддаде почит на ненадминлинлив пејач, хуманист, мегаѕвезда, великан, легенда и духовен водач на младите генерации.

http://mmm.com.mk/?ItemID=06DCF93226B0F444957AE11A104BE286

Манастирот Св. Преображение доби струја

Осветлен духовниот дом на Тоше Проески



Со симболично пуштање на светилките околу манастирот Св. Преображение над Крушево синоќа официјално е означен крајот на работите за осветлување на светиот храм, кој значеше духовно светилиште за македонската поп-икона Тоше Проески - јави МИА.
Премиерот Никола Груевски кој присуствуваше на одбележувањето на електрификацијата на светилиштето истакна дека манастирот е персонификација на еден голем човек.

Ова е едно од оние места кои не поврзуваат со Тоше. Неговите зборови вечно ќе одекнуваат одовде. Манастирот, осветувањето и патот ги чуствуваме како должност кон Тоше. Денешниот ден има голема сомболика. Манастирот ја доби својата светлина, а светлината е симбол на животот и на вечноста, рече Груевски, додавајќи дека манастирот е вечен спомен за неговиот дух.


Според него, манастирот и музејот ќе бидат места на кои луѓето ќе доаѓаат и ќе се сеќаваат на поп ѕвездата, потсетувајќи дека привршува изградбата на музејот за Тоше Проески

Се додека спомените се живи, Тоше живее со нас, нагласи Груевски.

Брзото и ефектно завршување на работите, за претседателот на Управниот одбор на ЕВН, Гинтер Офнер значи дека се придржуваме и го почитуваме делото на Тоше.


Со ова дело сакаме да покажеме колку го цениме делото на Тоше Проески, а за тоа ќе сведочат бројните посетители на неговото духовно светилиште, рече Офнер.

Претседателот на фондацијата Тоше Проески, Андреј Николоски упати благодарност до сите што помогнаа да се оствари уште еден сон на македонската поп икона.


Да беше Тоше вечерва со нас, не ќе имаше посреќен човек од него. Овде, тој ја црпеше целата своја духовна енергија. Тоше на сите им даруваше сега другите даруваат за него, рече Николоски, потсетувајќи дека сите донации се добредојдени.


Во манастирот Св. Преображение останува да се доизгради покривната конструкција, да се изработи фрескоживописот, а потоа ќе продолжат и работите на крстот на месноста Вршник.

http://www.mmm.com.mk/?ItemID=E0FA0D2A6401694AA13E7B3A9C0A988C

http://www.radiomk.com/index.php?categoryid=1&p2_articleid=2182

Клик на плеер !

http://www.sitel.com.mk/dnevnik/makedonija/se-osvetli-manastirot-%E2%80%9Csv-preobrazenie%E2%80%9D-vo-krushevo

На најпосакуваното место на Тоше

Поставување на камен-темелникот на крстот на манастирот Свето Преображение

Ве ин­фор­ми­ра­ме де­ка оваа сре­да, 25 август 2010 го­ди­на, со по­че­ток во 11 ча­сот, во мес­но­ста Врш­ник, во не­по­сред­на бли­зи­на на ма­на­сти­рот Све­то Пре­о­бра­же­ние, ќе би­де по­ста­вен ка­мен-те­мел­ни­кот на 33-ме­тар­ски­от че­ли­чен крст, на ед­но од нај­по­са­ку­ва­ни­те и нај­по­се­ту­ва­ни­те ме­ста ка­де што оде­ше То­ше Про­е­ски, ви­со­ко над Пе­ла­го­ни­ја, го на­о­ѓа­ше сво­јот ду­хо­вен мир.

Покровител и организатор на овој свечен чин е Меѓународната фондација Тоше Проески и семејството на Тоше. До­на­тор на кр­стот е поз­на­ти­от ма­ке­дон­ски биз­нис­мен Мин­чо Јор­да­нов, а из­ве­ду­ва­чи на ра­бо­ти­те се ком­па­ни­и­те АД Фа­ком и АДГ Бе­тон од Скоп­је.

На све­че­но­ста ќе при­сус­тву­ва­ат прет­став­ни­ци на МПЦ, до­на­то­рот, прет­став­ни­ци на из­ве­ду­ва­чи­те на ра­бо­ти­те и обо­жа­ва­те­ли на То­ше.

http://mmm.com.mk/?ItemID=86D7702E47309548BE728BC368FB8CB2